Իրենց համար Արցախը որպես քաղաքական հարց այլևս գոյություն չունի

Կոլաբորացիոնիստ դե ֆակտո իշխանության հերթական ներկայացուցիչը, որը նաև ԱԺ արտաքին հարաբերությունների հանձնաժողովի նախագահն է, հերթական անգամ խեղաթյուրում է ազգային մեր ողջ պայքարի էությունը ու փաստացի ասում, որ Արցախը կարող է լինել Ադրբեջանի կազմում։

 

Կապիտուլյանտերենից թարգմանաբար նրա ասածն այն է, որ այս պահին իրենք քննարկում են Ադրբեջանի հետ, թե ինչ կարգավիճակ կտրվի Արցախին Ադրբեջանի կազմում։ Արդեն ակնհայտ է, որ խոսքը առավելագույնը մշակութային ինքնավարության որոշակի տարրերի մասին է, որովհետև Ադրբեջանը որևէ այլ տարբերակ այս փուլում չի էլ դիտարկում և, ավելին, ՀՀ դե ֆակտո իշխանությունը ևս։ Իրենց համար Արցախը որպես քաղաքական հարց այլևս գոյություն չունի։

 

Մեր հազարավոր հայրերի, եղբայրների ու որդիների կյանքի ու ջանքերի գնով սարքվածը մի քանի հարյուր թուրքամետներ իրենց իշխանությունը պահելու համար ոչնչացնում են անվերադարձ։ Իսկ բոլոր անտարբեր դարձածները պետք է հիշեն, որ այս ամենը իրենց խղճին էլ է ու սրա պտուղները դեռ վայելելու են՝ անկախ իրենց գտնվելու վայրից։