Ի՞նչ է անելու խորհրդարանական ընդդիմությունը․ ԱԺ փոխնախագահը փակագծեր բացեց. Տեսանյութ

Աշխարհաքաղաքական նոր զարգացումների և նոր վերադասավորումների գործընթացը ՀՀ-ի համար լի է սպառնալիքներով, նաև անորոշություններով։ Այս իրավիճակում մտահոգությունը բավականին մեծ է և նաև լրջորեն մտահոգված ենք այս պահին Արցախում տեղի ունեցող զարգացումներով՝ և՛ անվտանգային, և՛ հումանիտար․․․ Այս մասին Yerevan.Today-ի հետ հարցազրույցում ասաց Աժ փոխնախագահ Իշխան Սաղաթելյանը։

Խորհրդարանական ընդդիմության անելիքներին անդրադառնալով, Սաղաթելյանը նկատեց․

«Քննարկելով ստեղծված իրավիճակը հանդես ենք գալիս մի քանի հրատապ նախաձեռնություններով։ Նախ առաջինը՝ այց տեղի կունենա Արցախ՝ վաղը կամ մյուս օրը, այս ընթացքում պատգամավորներ են եղել, որոնք այցելել են Արցախ։ Երկրորդ կարևոր նախաձեռնությունը՝ մենք պահանջելու ենք Հայաստան-Արցախ միջխորհրդրանական հանձնաժողովի հրատապ նիստ․ Դուք գիտեք այս խորհրդարանական հանձնաժողովը ստեղծման օրվանից մինչև այսօր նիստ չի գումարել․․․ Երրորդը՝ մենք հանդես ենք եկել առաջիկա քառօրյայում հրատապ նիստ գումարել Արցախում ստեղծված իրավիճակի թեմայով, պահանջում եննք, որ փոխվարչապետը և ԱԳ նախարարը ներկայանան ԱԺ և հաշվետվություն տան՝ ինչ աշխատանքներ է արվում, որտեղ կհնչեցնենք մեր պատկերացումները․․․»։

Մանրամասն՝ Yerevan.Today-ի  տեսանյութում։