ԱՄՆ-ն և Լեհաստանը շարունակում են վիճել միմիյանց հետ թե ով պիտի «քցի»Ուկրաինային

Երբ Ուկրաինայի նախագահ Վլադիմիր Զելենսկին ամոթանք էր տալիս ՆԱՏՕ-ին, որ վերջիններս չեն ուզում «փակել» Ուկրաինայի օդային տարածքը, Լեհաստանը հայտարարեց, որ պատրաստ է իր հարևանին տրամադրել իր հին սովետական ռազմական կործանիչները: ԱՄՆ-ում այդ առիթով հայտարարեցին, որ դեմ չեն լինի, եթե ՆԱՏՕ-ի անդամ երկրները զենք տրամադրեն Ուկրաինային՝ Ռուսաստանի դեմ պատերազմելու համար:

Թվում էր, թե Վաշինգտոնի նման արձագանքը պետք է հուշեր, որ Կիևին աջակցելու հարցը արդեն լուծված պիտի համարվեր: Սակայն անսպասելիորեն այս խնդրին արձագանքեց Մոսկվան: Կրեմլում հայտարարեցին, որ ցանկացած երկրից Ուկրաինա եկող ինքնաթիռները կռմբակոծվեն, ընդորում ոչ միայն օդում, այլև այն օդանավակայններում, որտեղից օդ կբարձրանան այդ ինքնաթիռները:

Ռուսների այսպիսի կտրուկ արձագանքից հետո Լեհաստանը հայտարարեց, որ ինքը պատրաստ է իր ինքնաթիռները տրամադրել ՆԱՏՕ-ի Ռամշտայն ավիակայանին, որտեղից էլ ՆԱՏՕ-ն այդ ինքնաթիռները կարող է ուղարկել Ուկրաինա:

Այսինքն, լեհերը զգալով ռուսների զայրույթը, որոշեցին ուկրաինացիներին օգնել ոչ թե ուղղակի, այլ  ՆԱՏՕ-ի միջոցով: Սակայն անսպասելիորեն ամերիկացիները հակադրվեցին, նշելով, որ «լեհերը ինքնուրույն պիտի լուծեն այդ հարցը, չներքաշելով ՆԱՏՕ-ին պատերազմի մեջ»:

Պարզվեց, որ ամերիկացիները պատրաստ են Ռուսաստանի դեմ պատերազմել մինջև վերջին ուկրաինացին, լեհը, սակայն ոչ սեփական ուժերով:

Որից հետո լեհերը հայտնվեցին անհարմար վիճակում: Նույնիսկ հանրահայտ Վիկտորիա Նուլանդը ԱՄՆ Սենատում լսումների ժամանակ բառացի հայտարարեց, որ «...լեհերը մեր հետ չէին համաձայնեցրել ինքնաթիռների տրամադրման խնդիրը...»:

Այսինքն ստացվեց, որ խոսքերի մակարդակով բոլորը ուզում են «աջակցել» ուկրաինացիներին, սակայն ոչ ոք պատրաստ չէ հանուն Ուկրաինայի պատերազմի մեջ մխրճվել Մոսկվայի հետ:

Կիևի այն բնակիչները, ովքեր ստիպված իրենց կյանքը փրկելու համար, պատստպարվել են քաղաքի մետրոյի  կայաններում, դեռ երկար կհիշեն իրենց արևմտյան «բարերարներին», ովքեր փաստացի պատերազմի մեջ իրենց ներքաշեցին ռուսների հետ, իսկ հետո «քցեցին» իրենց այն պատրվակով, թե դրա արդյունքում կարող է բռնկվել երրորդ համաշխարային պատերազմը:

Իսկ ինչ է մեկ կամ երկու ամիս առաջ նրանք չգիտեի՞ն, որ Մոսկվայի հետ պատերազմը կարող է հանգեցնել համաշխարային ողբերգության:

Շատ լավ էլ գիտեին, պարզապես ուզում էին ուկրաինացիների ձեռքերով հերթական հարվածը հասցնել ռուսներին, որի վերջնաարդյունքը նույնպես կասկածելի է թվում մարդկության շահերի տեսանկյունից:

Սա է իրականությունը:

Դավիթ Մկրտչյսն