Ներսես Պողոսյանի վիճակը ծայրահեղ ծանր է

«Նոր Հայաստան» հանրային փրկության ճակատի առաջնորդ Ժիրայր Սէֆիլյանի գործով շուրջ 8 ամիս կալանքի տակ գտնվող Ներսես Պողոսյանը հունվարի 27-ից կրկին հացադուլ և ջրադուլ է հայտարարել:

ArmLur.am-ի հետ զրույցում Ներսես Պողոսյանի փաստաբան Արայիկ Պապիկյանն ասել է, որ այս պահին նա հրաժարվում է բուժօգնություն ստանալուց. «Հունվարի 27-ին իր նկատմամաբ կալանքը երկարացրին և որպես ծայրահեղ քայլ նա դիմում գրեց ՔԿՀ-ի ղեկավարությանը, որ սահմանափակեն իր տեսակցությունները, թույլ չտան իրեն այցելեն՝ մայրը, կինը և քույրը: Հասկանալով, որ նախորդ անգամ մայրիկի այցելությունը մեծ հաշվով ազդեց, որ նա հացադուլը դադարեցնի»:

Ըստ պաշտպանի՝ նրա նկատմամբ խափանման միջոց են կիրառել ապօրինաբար, քանի որ դատավորը մինչև խորհրդարանական սենյակ գնալը հայտնել է. «Դու մնալու ես կալանքի տակ»:

Ներսես Պողոսյանը ծայրահեղ ծանր վիճակում է գտվում. «Շատ դժվար է քայլում: Խնդիրներ կան ոտքերի, սրտի աշխատանքի, ինչպես նաև երիկամների ցավեր ունի: Պարբերաբար ճնշումն է իջնում»:

Մանրամասները՝ սկզբնաղբյուր կայքում: