Ռուսաստանը կարող է ազգայնացնել Volkswagen, Apple, IKEA, Microsoft, IBM, Shell, McDonald's, Porsche, Toyota, H&M ընկերությունները

Ռուսաստանում ցանկացել են ազգայնացնել McDonald's-ը և Apple-ը, ինչպես նաև 59 այլ արտասահմանյան ընկերություններ, որոնք հայտարարել են ռուսական շուկայից դուրս գալու մասին՝ կապված Ուկրաինայում ստեղծված իրավիճակի հետ։ Ցուցակը կազմել է «Հանրային սպառողների նախաձեռնությունը», հայտնում է «Известия»-ն։

Ներկայում ցանկում են Volkswagen-ը, Apple-ը, IKEA-ն, Microsoft-ը, IBM-ը, Shell-ը, Porsche-ն, Toyota-ն, H&M-ը և այլն: Փաստաթուղթն ուղարկվել է ՌԴ Գլխավոր դատախազություն և կառավարություն։ Ցուցակի ընդլայնման աշխատանքներին կներգրավվեն նաև «Արդյունաբերության և առևտրի նախարարություն»ը, «Ռոսպոտրեբնադզորը» և իրավապահ մարմիններն իրենց իրավասության շրջանակներում։

Մարտի 7-ին «Եդինայա Ռոսիայի» գլխավոր խորհրդի քարտուղար Անդրեյ Տուրչակը հայտարարել է, որ արևմտյան որոշ ընկերությունների հրաժարումը Ռուսաստանում իրենց բիզնեսը զարգացնելուց կանխամտածված սնանկացում է։ Մեկնաբանելով ստեղծված իրավիճակը՝ նա առաջարկել է ազգայնացնել այն ընկերությունների արտադրությունը, որոնք «միացել են պատժամիջոցների պատերազմին», որը Արեւմուտքը սանձազերծել է Ռուսաստանի դեմ։

Մարտի 9-ին Կառավարության օրենսդրական գործունեության հանձնաժողովը հավանություն է տվել նախաձեռնությանը, որն առաջարկում է ռուսական շուկան լքող օտարերկրյա ընկերությունների ակտիվների ազգայնացման հնարավորությունը։ Համապատասխան ընկերություններում առաջարկվում է դատարանի միջոցով ներդնել արտաքին կառավարում, որը պետք է «կանխի սնանկությունը և աշխատատեղերը փրկի»։ Հստակեցվում է, որ խոսքը այն կազմակերպությունների մասին է, որոնց մեկ քառորդից ավելին պատկանում են ոչ բարեկամ պետությունները ներկայացնող օտարերկրացիներին։

Zham.am