Կիևը դիմել է Գերմանիայի կանցլերին՝ Զելենսկի-Պուտին հանդիպման կազմակերպման համար

10 Մարտ, 2022 10:42

Դիտել նաև

Ըստ արևմտյան ԶԼՄ-ների՝ Զելենսկին մերժել է ԱՄՆ-ի խաղաղության առաջարկը, իսկ Թրամփը նշել է, որ այս հակամարտությունը կա՛մ կավարտվի, կա՛մ կտևի հավերժ Ջեֆրի Սաքսը բացահայտել է Փաշինյանի ընկեր Մակրոնի կեղծավոր դեմքը Ինչի՞ շուրջ համաձայնության եկավ Դոնալդ Թրամփը Վլադիմիր Զելենսկու և եվրոպական լիդերների հետ Վաշինգտոնում Սենսացիոն տեղեկատվություն ստացավ աշխարհը Մոսկվայից. Թրամփն ու Պուտինը կհանդիպեն մոտ օրերս Մոսկվան պատրաստվում է լուրջ քայլեր ձեռնարկել Ալիևի դեմ

Կիևը դիմել է Գերմանիայի կանցլեր Օլաֆ Շոլցին՝ կազմակերպելու համար Վլադիմիր Զելենսկու և Վլադիմիր Պուտինի հանդիպումը: «ՌԻԱ Նովոստի»-ի հաղորդմամբ՝ այս մասին գերմանական հեռուստահաղորդման ընթացքում ասել է Ուկրաինայի նախագահի աշխատակազմի ղեկավարի տեղակալ Իգոր Ժովկվան:

«Միակ լուրջ բանակցությունները, որ կարող են վարվել ռուսների հետ, հնարավոր կլինի նախագահների մակարդակով: Մեր նախագահը պատրաստ է դրան: Միջազգային գործընկերները պետք է օգնեն մեզ նման հանդիպում կազմակերպելու համար: Մենք խոսում ենք Գերմանիայի կանցլերի հետ՝ նման հանդիպում կազմակերպելու համար»,-ասել է նա:

Նա հավելել է, որ հանդիպումը հնարավոր է միայն «ռուսական զորքերի դուրսբերումից և հրադադարից հետո»։

«Սրանք առաջին պայմաններն են, որոնք պետք է կատարվեն: Հակառակ դեպքում... հնարավոր է քննարկել, թե ինչպիսին կարող է լինել Ուկրաինայի հնարավոր չեզոք կարգավիճակը, բայց նման բանակցությունները և հնարավոր համաձայնությունը կարող են տեղի ունենալ միայն ռազմական գործողությունների ավարտից հետո»,-ասել է Ժովկվան:

Ռուսաստանն ու Ուկրաինան նախկինում անցկացրել են բանակցությունների երեք փուլ։

Աղբյուրը՝ yerevan.today