Սերժ Սարգսյանը «բացեց» իր խաղաքարտերը թե Ղարաբաղի, թե Կարեն Կարապետյանի հարցում

Երեկ «Արմենիա» հեռուստաընկերության «Ռ - Էվոլյուցիա» հեռուստահաղորդմանը Սերժ Սարգսյանը պատասխանեց մի շարք հարցերի, որոնք հուզում են հասարակությանը:

Անվտանդության խնդիր և Ղարաբաղյան խնդրի կարգավորում

Խոսելով Ղարաբաղյան խնդրի կարգավորման վերաբերյալ, Սերժ Սարգսյանը նշեց, որ չի հավատում, որ այն շուտափույթ կհանգուցալուծվի, քանի որ Ադրբեջանը փաստացի մերժում է Ղարաբաղյան հարցի լուծումը Մադրիդյան սկզբունքների հիման վրա:
Ըստ Սերժ Սարգսյանի, հայկական կողմը երբեք չի գնա միակողմանի զիջումների` ոչ հիմա, ոչ` 20 տարի անց, իսկ փոխզիջման համար անհրաժեշտ է, որ Ադրբեջանը վերադառնա Մադրիդյան սկզբունքների փոխզիջումային դաշտ:

Խոսելով իր և Ալիևի ապագա հնարավոր հանդիպման մասին, Սերժ Սարգսյանը նշեց, որ դա միջնորդների ցանկությունն է, իսկ ինքը այդ հանդիպմանը դեմ չէ, բայցև միաժամանակ այդ հանդիպման հետ մեծ հույսեր չի կապում:

2018 թվականի իշխանության հարց

Պատասխանելով այն հարցին, թե տեսնո՞ւմ է Սերժ Սարգսյանն իրեն վարչապետի պաշտոնում 18 թվականին, գործող նախագահը խուսափողական պատասխան տվեց, բայցև միաժամանակ ակնարկեց, որ 18 թվականի իշխանության ձևավորման հարցը առավելապես կախված է իրենից: Ուշագրավ է այն, որ Սերժ Սարգսյանը տարբեր ժամանակներում տարբեր տեսակետներ է հայտնել այս հարցի վերաբերյալ: Երբ այս խնդրին մնացել է ընդամենը մի քանի ամիս, Սերժ Սարգսյանը փորձում է վճռական պաուզա բռնել, միաժամանակ մեսիջ ուղարկելով իշխող վերնախավին, որ ինքն է որոշելու 18 թ. իշխանության կոնֆիգուրացիայի ճակատագիրը:Բայց երբ հեռուստավարողը փորձեց Սերժ Սարգսյանին ներքաշել հակասությունների դաշտ` վարչապետ Կարեն Կարապետյանի հետ, հռետորական կասկած հայտնելով թե արդյոք իրականություն կդառնան խոստացված այս տարի 860 մլն դոլարանոց ներդրումը և մոտակա տարիների 3 մլրդ- անոց ներդրումային փաթեթը, Սերժ Սարգսյանը միանշանակորեն մերժեց հեռուստավարողի հռետորական ձևակերպումները` նշելով, որ այստեղ կարևոր են ոչ թե թվերը, այլ` մարդկանց մղումները, ինչից էլ պարզ է դառնում, որ 18 թվականի խնդիրը լուծելիս Սերժ Սարգսյանը փորձում է «добрый»- ով պայմանավորվել տաշիրցի հայտնի միլիարդատեր Սամվել Կարապետյանի հետ:

Հակոբ Կարապետյան