Դժվար ժամանակները «մաքրում են» մեզ հնացած մոդելներից․ Սամվել Կարապետյան

«Տաշիր» ընկերությունների խմբի նախագահ, Հայ ձեռներեցների ասոցիացիայի նախագահ Սամվել Կարապետյանը դիմել է Ռուսաստանի եւ Հայաստանի ձեռներեցներին:

«Միջազգային հարաբերություններում տիրող իրավիճակը շատ մտահոգում է բոլորիս։ Առաջին անգամը չէ, որ դժվար ժամանակներ ենք ապրում եւ լավ գիտենք, որ ցանկացած ճգնաժամ ավարտվում է՝ իր տեղը զիջելով նոր հեռանկարներին։ Ուստի այսօր մեր պարտքն է լինել հնարավորինս միասնական, հանգստություն պահպանել, շարունակել հետագա զարգացման ուղին։

Պատմությունը ցույց է տալիս, որ դժվար ժամանակները մեզ «մաքրում են» հնացած մոդելներից եւ բիզնես վարելու եղանակներից՝ թույլ տալով տեսնել նոր լուծումներ եւ ուղիներ։

Համոզված եմ, որ Ռուսաստանի եւ Հայաստանի ձեռներեցները կկարողանան ստեղծված իրավիճակում գտնել ճիշտ բալանսը եւ լրացուցիչ հնարավորություններ ստեղծել ավելի սերտ համագործակցության համար։ Մենք արագ կարձագանքենք այն ամենին, ինչ տեղի է ունենում տնտեսությունում, աջակցություն կցուցաբերենք բիզնեսին եւ կշարունակենք ամրապնդել մեր գործարար կապերը»,- ասված է ուղերձում։