Տարածքային ամբողջականության սկզբունքը կիրառելի է միայն այն դեպքում, եթե տվյալ կառավարությունը ներկայացնում է այդ տարածքում բնակվող ամբողջ ժողովրդի կամքը․ Լավրով
Տարածքային ամբողջականության սկզբունքը կիրառելի է միայն այն պետությունների դեպքում, որոնց կառավարությունները ներկայացնում են այդ տարածքում ապրող ամբողջ ժողովրդին։ Կիևյան կառավարությունը դրանց շարքում չի դասվում։ Այդ մասին, Ինտերֆաքսի փոխանցմամբ, ասել է ՌԴ արտգործնախարար Սերգեյ Լավրովը։
Ուկրաինայի տարածքային ամբողջականությունն ու սուվերենիտետը, իբր, խախտելու լայնածավալ արշավի հետ կապված, որի նախաձեռնողներն, ի դեպ, լիովին անտարբերությամբ և քամահրանքով են վերաբերում մարդու իրավունքներին, կցանկանամ ուշադրություն հրավիրել 1970թ․ միջազգային իրավունքի սկզբունքների մասին հռչակագրի վրա»,-ասել է Լավրովը։
Նա ընդգծել է, որ այդ փաստաթղթում ամրագրված է, որ տարածքային ամբողջականության սկզբունքն ընդունելի է «իրավահավասարության և ինքնորոշման սկզբունքների հիման վրա գործող պետությունների դեպքում․․․ և, հետևաբար, ունի կառավարություն, որը ներկայացնում է տվյալ տարածքում ապրող ամբողջ ժողովրդին՝ առանց ռասսայական, կրոնական, ազգային խտրականության»։
Կիևյան նեոազգայնականների կառավարությունն ակնհայտ է, որ այդպիսին չի հանդիսացել ու չ էլ հանդիսանում Ուկրաինայում ապրող ժողովուրդների հանդեպ»,-Ինտերֆաքսի փոխանցմամբ՝ շեշտել է Լավրովը։
Լավրովը հիշեցրել է, որ ՄԱԿ-ի՝ մարդու իրավունքների հարցով խորհրդի դերը մեր բոլորի, այլ ոչ թե նեղ շրջանակների արժեքների անձեռնմխելիությունն ապահովելն է։
Նա նաև նշել է,որ այդ մոտեցմանը հակասում է Արևմուտքի քաղաքականությունը՝ միակողմանի պատժամիջոցների կիրառմամբ։
«Այդ անօրինական պատժամիջոցներն արդեն չեն սահմանափակվում ֆինանսական և տնտեսական արգելքներով։ Դրանք տարածվում են նաև մշակութային, զբոսաշրջային, կրթական և մյուս բոլոր ոլորտների վրա։ Ռուսաստանի վրա իր չարությունը թափելու Արևմուտքի ձգտումն է քանդել իր իսկ կողմից ստեղծված համակարգերը »,-ասել է Լավրովը։
Հետևեք մեզ Facebook-ում