Մակրոնը բանակցություններ է վարել Պուտինի հետ
Ռուսաստանի եւ Ֆրանսիայի նախագահներ Վլադիմիր Պուտինն ու Էմանուել Մակրոնը քննարկել են Ուկրաինայի շուրջ ստեղծված իրավիճակը, հայտնում է Կրեմլի մամուլի ծառայությունը։
«Ֆրանսիական կողմի նախաձեռնած երկարատեւ հեռախոսազրույցի ընթացքում ՌԴ նախագահ Վլադիմիր Պուտինը եւ Ֆրանսիայի Հանրապետության նախագահ Էմանուել Մակրոնը Ուկրաինայի շուրջ ստեղծված իրավիճակի բոլոր ասպեկտների վերաբերյալ մտքերի լուրջ եւ հանգամանալից փոխանակում են ունեցել»,- ասվում է հաղորդագրության մեջ։
«Ֆրանսիական կողմը հայտնի տեսակետներ է հայտնել Դոնբասի պաշտպանության համար Ռուսաստանի կողմից իրականացվող հատուկ ռազմական գործողության վերաբերյալ եւ Կիեւի հետ երկխոսության ու բանակցությունների միջոցով ներկայիս հակամարտության շուտափույթ կկարգավորման հույս է հայտնել։
Վլադիմիր Պուտինն ընդգծել է, որ նման կարգավորումը հնարավոր է միայն այն դեպքում, եթե անվերապահորեն հաշվի առնվեն անվտանգության ոլորտում Ռուսաստանի օրինական շահերը, այդ թվում՝ Ղրիմի նկատմամբ Ռուսաստանի ինքնիշխանության ճանաչումը, ուկրաինական պետության ապառազմականացման եւ ապանացիստացման խնդիրների լուծումը եւ նրա չեզոք կարգավիճակի ապահովումը։ Միաժամանակ նշվել է, որ ռուսական կողմը բաց է Ուկրաինայի ներկայացուցիչների հետ բանակցությունների համար եւ ակնկալում է, որ դրանք կհանգեցնեն ցանկալի արդյունքների։
Ռուսաստանի նախագահը հատուկ ուշադրություն է հրավիրել այն փաստին, որ ՌԴ Զինված ուժերը չեն սպառնում խաղաղ բնակչությանը եւ չեն հարվածում քաղաքացիական օբյեկտներին։ Սպառնալիքը գալիս է ուկրաինացի ազգայնականներից, որոնք խաղաղ բնակչությանն օգտագործում են որպես կենդանի վահան, դիտավորյալ հարվածային զենքի համակարգեր են տեղադրում բնակելի թաղամասերում եւ ուժեղացրել են Դոնբասի քաղաքների հրետակոծությունը։
Վլադիմիր Պուտինն ու Էմանուել Մակրոնը պայմանավորվել են կապի մեջ մնալ»։
Հետևեք մեզ Facebook-ում