Ի՞նչ է լինում, երբ մարդկանց սկսում են զենք բաժանել. ոչ թե սահմանված ողջամիտ պրոցեդուրայով թույլ տալ զինվել կամ զինել, այլ՝ բաժանել

Ինչա՞ լինում, երբ մարդկանց սկսում են զենք բաժանել։ Ոչ թե սահմանված ողջամիտ պրոցեդուրայով թույլ տալ զինվել կամ զինել, այլ՝ բաժանել։

Առաջինը զենք բաժանելու վայր են վազելով գալիս կրիմինալի ներկայացուցիչները, հատկապես՝ կազմակերպված կրիմինալի ներկայացուցիչները։ Ով, ով, բայց զենքի ղադրը նրանք լավ գիտեն։

Կրիմինալից հետո զենք բաժանելու վայր են գալիս մարդիկ, ովքեր երեխա ժամանակ խաղալիք ավտոմատ չեն ունեցել ու հիմա առիթ ա հավեսը հանելու։ Ու տենց աջ ու ձախ գռռցնելով հավեսը հանում են։

Ու այս ամենից հետո միայն զենքի հետևից որոշում են գալ ադեկվատ մարդիկ, զուտ որովհետև շուրջը զինված բանդաներ ու ավանակներ են և դե լավ կլինի ձեռքին զենք ունենալ նավսյակի։

Ինչպես տեսնում եք, այս ամենը հայրենիքի պաշտպանության հետ ոչ մի կապ չունի։

Իհարկե, ընթացքում որոշ քանակի մարդիկ նաև հայրենիքը պաշտպանելու մոտիվով են գալիս զենք վերցնում, բայց․ երբ դու ոչ մի տվյալ չունես իրավիճակից, չունես վերադաս հրամանատարություն, չունես մարտական առաջադրանք, ի՞նչ պիտի անես։ Ոչ մի իմաստալից բան։

Վահագն Մխոյանի ֆեյսբուքյան էջից