Շոյգուն պահանջել է հարգել ուկրաինացի զինվորականներին․ հանձնվողներին կվերադարձնեն տուն

24 Փետրվար, 2022 20:17

Դիտել նաև

ՀՀ-ն դաշնակցային հարաբերությունների ոգուն չհամապատասխանող քայլեր է ձեռնարկում․ Շոյգու «Ինչո՞ւ չեն դատապարտում, որ եկեղեցական ծեսը փորձ է արվում օգտագործել քարոզչական նպատակով»․ Սերգեյ Հարությունյան Սերգեյ Կոպիրկինին հանձնվել է բողոքի հայտագիր Այն, ինչ տեղի է ունենում վկայում է, որ պատերազմի փորձը և դասերը բավական արդիական են. Սերգեյ Կոպիրկին Ոմանք փորձում են մոռանալ կամ մոռացության մատնել ազգին իր պատմական մշակույթից, ակունքներից. աշխարհահռչակ ջութակահար Սերգեյ Խաչատրյան

Ռուսաստանի պաշտպանության նախարար Սերգեյ Շոյգուն ստորաբաժանումների բոլոր հրամանատարներին հատուկ հանձնարարականներ է տվել՝ հարգանքով վերաբերվել ուկրաինացի զինծառայողներին։

«Հաշվի առնելով, որ Ուկրաինայի ԶՈւ զինծառայողները, ի տարբերություն ազգայնականների, երդում են տվել ուկրաինացի ժողովրդին և հրաման են կատարում, հարգանքով վերաբերվել նրանց: Մշակել անվտանգ միջանցքների ստեղծում, որպեսզի զենքը վայր դրած ուկրաինացի զինծառայողներն անվտանգ դուրս գան օպերացիայի անցկացման շրջաններից՝ վերադառնալով իրենց ընտանիքների մոտ»,-ասվում է Շոյգուի հատուկ հրամանում։

ՌԴ ՊՆ-ն հայտնում է, որ մարտական գործողությունների ընթացքում հանձնվել է Ուկրաինական զինուժի 14 զինծառայող: Նրանցից զինված դիմադրությունից հրաժարվելու մասին ստորագրություն վերցնելուց հետո բոլորն ազատ կարձակվեն և կվերադառնան իրենց ընտանիքների մոտ։

Ռուսաստանի ռազմական գերատեսչությունը տեղեկացնում է նաև, որ ռուսական զինված ուժերի հարվածների հետևանքով շարքից հանվել են Ուկրաինայի ռազմական ենթակառուցվածքի 74 վերգետնյա օբյեկտ, ռազմաօդային ուժերի 11 օդանավակայան, 3 հրամանատարական կետ, Ուկրաինայի ռազմածովային ուժերի տեղակայման կետը, ինչպես նաև Ս-300 և «Բուկ-Մ1» զենիթահրթիռային ՀՕՊ համալիրների 18 ռադիոտեղորոշիչ կայաններ:

Բացի այդ, հատուկ գործողության ընթացքում խոցվել է ուկրաինական զինուժի մարտական ուղղաթիռ և չորս «Բայրաքթար ՏԲ-2» անօդաչու թռչող սարք, ինչի մասին լրագրողներին հայտնել է ՌԴ Պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը։

Փետրվարի 24-ին, վաղ առավոտյան Ռուսաստանի նախագահ Վլադիմիր Պուտինը հայտարարել է, որ որոշում է կայացրել Ուկրաինայի նկատմամբ հատուկ ռազմական գործողության մասին: Ռուսաստանցիներին ուղղված հեռուստաուղերձում նա հայտարարել է, որ հանգամանքները պահանջում են վճռական և անհապաղ գործողություններ, Դոնբասի Ժողովրդական Հանրապետությունը դիմել է Ռուսաստանին` օգնության խնդրանքով:

Ռուսաստանի նախագահի խոսքով՝ արյունահեղության ողջ պատասխանատվությունը կրելու է Ուկրաինայում իշխող ռեժիմը: Նա կոչ է արել ուկրաինացի զինվորականներին չկատարել ուկրաինական իշխանությունների հանցավոր հրամանները, վայր դնել զենքը և գնալ տուն:

Ավելի ուշ ՌԴ ՊՆ-ն ընդգծել է, որ Ռուսաստանի Զինված ուժերը ոչ մի հրթիռային, ավիացիոն կամ հրետանային հարվածներ չեն հասցնում Ուկրաինայի քաղաքներին. խոցման բարձր ճշգրտության միջոցներով շարքից դուրս են բերվում ռազմական ենթակառուցվածքները, ՀՕՊ օբյեկտները, ռազմական օդանավակայանները և ավիացիան: Նախարարությունում վստահեցրել են, որ քաղաքացիական բնակչությանը ոչինչ չի սպառնում։

Աղբյուրը՝ armeniasputnik.am