ՆԱՏՕ-ն Ռուսաստանի գործողությունները դիտարկում է որպես սպառնալիք Եվրատլանտյան անվտանգությանը
ՆԱՏՕ-ն Ռուսաստանի գործողությունները դիտարկում է որպես սպառնալիք Եվրատլանտյան անվտանգությանը, այս մասին գրում են արևմտյան լրատվամիջոցները:
ՆԱՏՕ-ն հավելյալ պաշտպանական՝ ցամաքային և օդային ուժեր է տեղակայում Դաշինքի արևելյան հատվածում. ասվում է Բրյուսելում դաշինքի երկրների մշտական ներկայացուցիչների հանդիպման արդյունքներով տարածված հայտարարության մեջ:
«ՆԱՏՕ-ն գտնում է, որ Ռուսաստանի գործողությունները լուրջ վտանգ են ներկայացնում Եվրատլանտյան անվտանգության համար, և կունենան գեոստրատեգիական հետևանքներ… Մենք այսօր խորհրդակցություններ ենք անցկացրել Վաշինգտոնի պայմանագրի 4-րդ հոդվածի համաձայն: Դաշինքի բոլոր անդամներին պաշտպանելու պաշտպանական ծրագրերին համապատասխան, մենք որոշել ենք լրացուցիչ քայլեր ձեռնարկել դաշինքի ամբողջական շրջանակներում զսպումն ու պաշտպանությունն ամրապնդելու համար: Մեր միջոցները մնում են կանխարգելիչ, համաչափ: Դրանք ուղղված չեն էսկալացիայի»,-ասվում է փաստաթղթում:
Հիշեցնենք, որ Մեծ Բրիտանիայի վարչապետ Բորիս Ջոնսոնը հայտարարել է, որ Ուկրաինայում ստեղծված իրավիճակով պայմանավորված ՆԱՏՕ-ի արտակարգ գագաթնաժողով է հրավիրել։
Zham.am
Հետևեք մեզ Facebook-ում