Օմբուդսմենը դիմելու է Սահմանադրական դատարան՝ կառավարության գործողությունների վերաբերյալ
ՀՀ Մարդու իրավունքների պաշտպան Արման Թաթոյանը դիմելու է Սահմանադրական դատարան՝ կառավարության գործողությունների վերաբերյալ: Այս մասին նա հայտնել Է փետրվարի 23-ին կայացած մամուլի ասուլիսի ժամանակ։
Պատասխանելով այն հարցին, որ որոշ պաշտոնյաներ ասում են, թե նա մինչեւ իր ժամկետի լրանալը միակ աշխատած օմբուդսմենն է, Թաթոյանը հեգնանքով նկատել է, որ դա ամենեւին էլ իշխանությունների «մեծահոգի վերաբերմունքի» արդյունքը չէ, այլ սզբունքային դիրքորոշման եւ քաղաքացիների իրավունքների պաշտպանությանն ուղղված ամենօրյա աշխատանքի արդյունքն է։ Այդ կապակցությամբ նա հիշեցրել է, որ ճնշման փորձեր եղել են՝ ֆինանսական անկախությանն ուղղված ձախողված ոտնձգություն, մեքենաների պարկի կրճատում։ Ավելին՝ գրեթե 2 տարի կառավարությունը չի հաստատում օմբուդսմենի աշխատակազմի դրույքաչափերի ցանկը։
Մարդու իրավունքների պաշտպանի աշխատակազմն ընկալվում է որպես գերատեսչություն, թեեւ դա միակ իրավապաշտպան սահմանադրական մարմինն է, եւ նրա նկատմամբ վերաբերմունքը պետք է լինի ոչ պակաս, քան ԱԺ-ի, կառավարության վարչակազմի, վարչապետի կամ նախագահի նկատմամբ։ Այս կապակցությամբ օմբուդսմենը որոշել է դիմել Սահմանադրական դատարան․ այսօր կամ վաղը դիմումը կներկայացվի։ «Որպեսզի նման վերաբերմունքը օմբուդսմենի համար «դաս» չլինի, չընկալվի որպես «պատիժ», եթե նա իրեն լավ չպահի», - հավելել է Թաթոյանը:
Հետևեք մեզ Facebook-ում