Մարգարիտա Սիմոնյանը և Վլադիմիր Սոլովյովը՝ Եվրամիության պատժամիջոցների ցանկում

ՌԴ ԱԳՆ պաշտոնական ներկայացուցիչ Մարիա Զախարովան, RT հեռուստաալիքի գլխավոր խմբագիր Մարգարիտա Սիմոնյանը, հայտնի ռուսաստանցի հաղորդավար Վլադիմիր Սոլովյովը և մի շարք այլ անձինք ու կազմակերպություններ հայտնվել են Եվրամիության պատժամիջոցների ցուցակում։

Եվրամիության կողմից պատժամիջոցներ կիրառելու և համապատասխան ցանկի մասին նախօրեին հայտարարել է ԵՄ արտաքին գործերի եւ անվտանգության քաղաքականության հարցերով բարձր ներկայացուցիչ, Եվրոպական հանձնաժողովի փոխնախագահ Ժոզեֆ Բորելը։ 

Ինչպես հաղորդում են միջազգային լրատվամիջոցները, պատժամիջոցների ամբողջական ցանկը Եվրամիությունը պաշտոնապես կհրապարակի այսօր՝ փետրվարի 23-ին։

Բացի այդ, պատժամիջոցների տակ կհայտնվեն ՌԴ նախագահի աշխատակազմի ղեկավար Անտոն Վայնոն և պաշտպանության նախարար Սերգեյ Շոյգուն։ Սև ցուցակում հայտնվածներին կարգելվի մուտքը ԵՄ երկրներ, նրանց ակտիվները Եվրոպայում (եթե այդպիսիք կան) կսառեցվեն։

Zham.am