ՀԱՅԿԱԿԱՆ ՆԱԽԱՊԱՅՄԱ՞Ն

Երեկ հաղորդագրություն տարածվեց, որ Ադրբեջանի դատախազությունը քրեական գործեր է հարուցել և հետախուզում հայտարարել Հայաստանի երկրորդ և երրորդ նախագահներ Ռոբերտ Քոչարյանի և Սերժ Սարգսյանի նկատմամբ։ Սա հերթական հակահայկական դրսևորումն է Հայաստանի վարչապետ կոչեցյալի «բարեկիրթ» գործընկերոջ կողմից։ Մեկ օր սպասեցի, հուսով, որ Հայաստանը պաշտոնապես կարձագանքի այդ որոշմանը։

 

Բայց, ոչ միայն պաշտոնական հայտարարություն չեղավ, այլև վարչապետ կոչեցյալը նույն օրն ընդունում է ադրբեջանցի պատգամավորներին, քպ-ական ողորմելիների կողմից շարունակում են հնչել «խաղաղություն, խաղաղություն» աղոթքներն ու աղերսներն առ Ալիև։

 

Սկսում ես մտածել, որ հայ-թուրքաադրբեջանական բանակցություններում հայկական կողմն էլ իր նախապայմաններն է դրել և դրանցից մեկն էլ հենց նախկին նախագահների դեմ քրեական գործեր հարուցելն է։

 

Հ․Գ․ Հուսով էի, որ գոնե քաղաքական բոլոր ուժերն, անկախ միմյանց, այդ թվում երկրորդ և երրորդ նախագահների նկատմամբ վերաբերմունքից դատապարտող հայտարարություններով հանդես կգան, չէ՞ որ սա վեր է անձնական հարցերից և վերաբերում է բոլորիս արժանապատվությանը։Թե՞ շատ «գործիչներ» ցնծում են, ինչպես ներքուստ ցնծում էին Արցախի կորստով և պաշտպանում պարտության հեղինակ ողորմելուն։