Ռուսաստանը հայտարարել է բալիստիկ և թվավոր հրթիռների զինավարժությունների մասին. Ինչ՞ դա կարող է նշանակել

Փետրվարի 19-ին կանցկացվեն ռազմավարական զսպման ուժերի պլանային զորավարժություններ, որոնց ընթացքում նրանք կարձակեն բալիստիկ և թեւավոր հրթիռներ։

Այս զինավարժանքներում  ներգրավված են ՌԴ ՊՆ Օդատիեզերական ուժերի, Հարավային ռազմական օկրուգի Ռազմավարական հրթիռային ուժերի, Հյուսիսային և Սևծովյան նավատորմի ուժերն ու միջոցները:

Հիշեցնենք, որ փետրվարի 17-ից էլ Ռուսաստանում սկսվեցին ռազմածովային ուժերի վարժանքները, որին մասնակցում են մոտ 140 նավ և մոտ 10 000 շարքային անձնակազմից:

Մասնավորապես, մեր տարածաշրջանին մոտ՝ Կասպից ծովում, զինավարժություններին մասնակցող ռուսական նավերի թիվը հասնում է 20-ի:

Արևմտյան վերլուծաբանների կարծիքով, այս չափ մաշտաբային զինավարժությունները վկայում են այն մասին, որ Մոսկվան որոշել է լուրջ «մկաններ» ցույց տալ Արևմուտքին՝ ուկրաինական ճգնաժամի հանգուցալուծումից առաջ:

Իսկ ինչպիսին կլինի այդ հանգուցալուծումը, պարզ կդառնա մոտ օրերս:

Ռուսաստանի Պետդումայի նախագահն այսօր հայտարարել է, որ Դոնբասում 2014-ից սկսած ցեղասպանություն է իրականացվում, որի պատճառով էլ  այդ երկրի օրենսդիր մարմինը  դրական է արտահայտվել Դոնբասի չճանաչված հանրապետությունների ճանաչման հարցում: Դիտորդների կարծիքով, Դումայի նախագահի այս խոսքերը վկայում են այն մասին, որ մոտ օրերս Դոնբասի հանրապետությունների ճանաչման հարցին դրական պատասխան կտա նաև ՌԴ նախագահ Վլադիմիր Պուտինը, որից հետո ռուսական բանակը կմտնի Դոնբաս:

Արտակ Հակոբյան