Էրիկ Վարդանյանը կրկին «Ուրարտու»-ում է

Երևանի «Ուրարտուն» նոր համալրում ունի` թիմ է վերադարձել ակումբի սան Էրիկ Վարդանյանը։

Այս մասին հայտնում է ակումբի մամուլի ծառայությունը: 23-ամյա կիսապաշտպանն իր առաջին քայլերը ֆուտբոլում սկսել է «Ուրարտուի» ակադեմիայում (նախկինում՝ «Բանանց»)։ 11 տարեկանում նա տեղափոխվել է իսպանական «Բարսելոնայի» ակադեմիա։ Ֆուտբոլիստի պրոֆեսիոնալ կարիերան Վարդանյանն սկսել է «Փյունիկ» ֆուտբոլային ակումբում։ Ֆուտբոլիստը հանդես է եկել նաև ռուսական «Սոչիի» կազմում, որտեղից էլ վերադարձել է հարազատ «Ուրարտու»։

Հայաստանի ազգային հավաքականի կազմում ֆուտբոլիստը առաջին պաշտոնական հանդիպումն անցկացրել է 2019 թվականի սեպտեմբերի 8-ին՝ Եվրո-2020-ի որակավորման փուլի Հայաստան - Բոսնիա և Հերցեգովինա խաղում։