Կարևորը՝ Ռոբերտ Քոչարյանի ասուլիսից և ասուլիսն ամբողջությամբ. Տեսանյութ

17 Փետրվար, 2022 14:37

Դիտել նաև

Ռոբերտ Քոչարյանի գրքով նկարվելը խնդրահարույց է, իսկ Էրդողանի գրքով նկարվելը «հմուտ դիվանագիտություն». Լևոն Քոչարյան Հուսով եմ՝ պատվով կհաղթահարենք մեր պետության համար այս դժվարին ժամանակաշրջանը․ Ռոբերտ Քոչարյան «Հանրային Ռադիոյի պատերը պղծվել են երկու անգամ»․ Տիգրան Քոչարյան Պուտինը զանգահարել է Քոչարյանին և շնորհավորել 70-ամյակի կապակցությամբ. 2-րդ նախագահի գրասենյակը հաստատեց Դուք ամբողջ կյանքում կլյուչ տվող էլ կմնաք. էս խելքով ուզում են մետրո սարքեն. Կարեն Քոչարյան

Փետրվարի 17-ին տեղի է ունեցել «Հայաստան» դաշինքի առաջնորդ, երկրորդ նախագահ Ռոբերտ Քոչարյանի մամուլի ասուլիսը։

Կարևորը՝ Ռոբերտ Քոչարյանի ասուլիսից.

1․ ՀՀ սեփական բանակն ի վիճակի չէ ինքնուրույն պաշտպանել երկրի սահմանները և անվտանգությունը․ չի արվել ոչինչ բանակի սպառազինությունը վերականգնելու ուղղությամբ։

2․ ՀԱՊԿ անդամ երկրների մեծ մասի առաջնորդները շատ ավելի մտերիմ են Ադրբեջանի նախագահի հետ, հետևաբար, միամտություն կլիներ մտածել, որ որևէ կերպ ՀԱՊԿ-ը կարող էր արձագանքել ՀՀ-ի վրա հարձակմանը։

3․ Մինչ օրս պատասխան չկա, թե ինչո՞ւ էր Վրաստանի և Իրանի օդային տարածքը փակ ռազմական բեռնափոխադրումների համար։

4․ Թուրքիան կդադարի Հայաստանը դիտել որպես իր ծրագրերի խոչընդոտ միայն այն պարագայում, եթե ունենա տոտալ ազդեցություն մեր քաղաքական և տնտեսական գործընթացների վրա։

5․ Շուշիի հռչակագիրը խոսում է այն մասին, որ տարածաշրջանում լուրջ աշխարհաքաղաքական պրոցեսներ են մեկնարկել՝ ոչ մեր օգտին։

6․ Քանի Հայաստանում այս իշխանություններն են, բանակցելու թեմա չկա․ պետք է գնան և ընդունեն, որ բանակցություններն ընթանալու են Ադրբեջանի տարածքային ամբողջականության շրջանակներում՝ ներառյալ Արցախը և նրա հայկական լինելը։

7․ Ստամբուլյան փաստաթուղթը, որը ես ստորագրել եմ, մեր դիվանագիտական լուրջ հաղթանակն է եղել․ Ադրբեջանի տարածքային ամբողջականության մասին այնտեղ ոչինչ չկա։

8․ Ըստ էության ՀՀ-ն հիմա Թուրքիայի հետ բանակցում է Ադրբեջանի ձևավորած օրակարգով։ Սա ճիշտ ճանապարհ չէ։

9․ Սահմանը բացելուց և երկաթուղին գործարկելուց առաջ պետք է սեփական շուկան պաշտպանելու առնվազն 3-5 տարվա ծրագիր ունենալ։

10․ Ես երբեք դեմ չեմ եղել Թուրքիայի հետ հարաբերությունների հաստատմանը, այն ժամանակ ինձ համար ավելի հեշտ էր․ մենք հաղթած կողմն էինք և օրակարգ թելադրողը։

11․ Եթե չպարտվեինք այս պատերազմում, գոնե 10 օր չնահանջեինք, պատերազմը կկանգներ, իսկապես Լեռնային Ղարաբաղի ճանաչման գործընթացը սկսելու հնարավորություն կստեղծվեր։

12․ Արցախը չպետք է ապրի օրվա հարցով, պետք է ասի, որ հեռանկար է ուզում տեսնի և պետք է համարձակ լինի Հայաստանի առջև խնդիրներ դնելու առումով։

13․ Չեմ բացառում, որ զանգվածային ակտիվ գործողությունների ժամանակ մեր խմբակցության կողմից մանդատները վայր դնելու հարց առաջանա։

14․ Իշխանությունն այնքան անլուրջ է վերաբերում սահմանադրական բարեփոխումներին, որ կարծում եմ այդ գործընթացը չի կայանա։

15․ Այս իշխանությունն ամեն օր 2,8 մլն դոլարով ավելացնում է երկրի պետական պարտքը։

16․ Ընդդիմադիր դաշտում չեմ տեսնում որևէ մեկին, ով կարող է ասել «կա՛մ ես կլինեմ Հայաստանի վարչապետը, կա՛մ ոչ մեկ չի լինելու», որովհետև պետական մտածելակերպ ունեցողն այդպես չի ասում։

17․ Այս իշխանությունն առանց փողոցի չի գնալու, և այդ փողոցը պետք է լինի ոչ թե որևի անձի, այլ՝ իշխանությանը հեռացնելու մասին․ դեռ պետք է հասունացնել այդ պահը։

18․ Եթե մենք ուզում ենք անաչառ և ազգային շահերով առաջնորդվող նախագահ, լավագույն տարբերակն այս պահին կլիներ Հայ Առաքելական Եկեղեցու որևէ սրբազան․ կլիներ և՛ մարդ, և՛ ինստիտուտ։

19․ Մոտ օրերս օրենսդրական նախաձեռնություն կներկայացնենք, թե ինչ ձևաչափով ենք տեսնում 44-օրյա պատերազմի հետևանքներն ուսումնասիրող հանձնաժողովը։

20․ Ամենավատն այն է, երբ մարդիկ չեն ունենում կարմիր գծեր և իշխանության գալու համար թքած ունեն ամեն ինչի վրա։