Պետդուման կողմ է քվեարկել Դոնեցկի և Լուգանսկի Ժողովրդական Հանրապետությունների ճանաչման մասին որոշման նախագծին

Պետդուման փետրվարի 15-ին կայացած լիագումար նիստի ժամանակ կողմ է քվեարկել Դոնեցկի և Լուգանսկի ժողովրդական հանրապետությունները ճանաչելու մասին բանաձեւի նախագծին, հայտնում է RIA.ru-ն:

Դոնեցկի և Լուգանսկի Ժողովրդական Հանրապետությունների ճանաչման մասին  Կոմունիստների որոշման նախագծին կողմ է քվեարկել 351 պատգամավոր, դեմ՝ 16, ձեռնպահ՝ մեկը։

Ինչպես նշել է խորհրդարանի ստորին պալատի խոսնակ Վյաչեսլավ Վոլոդինը, փաստաթուղթն անմիջապես կուղարկվի պետության նախագահ Վլադիմիր Պուտինին։

«Պատգամավորները կարծում են, որ Հանրապետությունների ճանաչումը հիմքեր կստեղծի անվտանգության երաշխիքներ ապահովելու և հանրապետությունների բնակիչներին արտաքին սպառնալիքներից պաշտպանելու, ինչպես նաև միջազգային խաղաղության և տարածաշրջանային կայունության ամրապնդման համար»,- ընդգծել է նա։

Zham.am