Այսօր տեղի կունենան Պուտին-Բայդեն և Բլինկեն-Լավրով հեռախոսազրույցները

ԱՄՆ նախագահ Ջո Բայդենի և ՌԴ նախագահ Վլադիմիր Պուտինի հեռախոսազրույցը կկայանա Վաշինգտոնի ժամանակով շաբաթ առավոտյան (Մոսկվայի ժամանակով՝ օրվա երկրորդ կեսին)։ Այս մասին հայտնել է Սպիտակ տան ներկայացուցիչը, փոխանցում է TASS-ը։

Ամերիկյան կողմից հաղորդմամբ՝ Ռուսաստանն առաջարկել է հեռախոսազրույցն անցկացնել երկուշաբթի՝ փետրվարի 14-ին, սակայն Սպիտակ տունը դիմահար առաջարկ է արել փետրվարի 12-ի համար, և նրանք համաձայնել են։

ՌԴ-ի և ԱՄՆ-ի նախագահները վերջին անգամ հեռախոսով շփվել են անցած տարվա վերջին։ Մինչ այդ՝ դեկտեմբերի 7-ին, տեսակոնֆերանսի ռեժիմով բանակցություններ էին անցկացվել։ Պուտինի ու Բայդենի՝ որպես առաջնորդներ առաջին դեմ առ դեմ հանդիպումը տեղի է ունեցել 2021 թվականի հունիսին, Ժնևում։

Այսօր նաև հեռախոսազրույց տեղի կունենա ԱՄՆ պետքարտուղար Էնթոնի Բլինկենի և ՌԴ ԱԳ նախարար Սերգեյ Լավրովի միջև։ Նշենք, որ պետքարտուղարը 37 տարում առաջին անգամ այցով գտնվում է Ֆիջիի Հանրապետությունում։