Ղազախստանի խորհրդարանում պահանջել են Նազարբաեւի դստեր հրաժարականը
Ղազախստանի Մաժիլիսի (խորհրդարանի ստորին պալատ) իշխող «Նուր Օթան» կուսակցության պատգամավոր Այդոս Սարիմն իր գործընկերոջը՝ երկրի առաջին նախագահ Նուրսուլթան Նազարբաեւի դստերը՝ Դարիգային, կոր է արել հրաժարական տալ, հաղորդում է Orda-ն։
Սարիմն ասել է, որ հունվարի 5-ից հետո Նազարբաեւային չի տեսել խորհրդարանում։ «Ես կարծում եմ, որ ստեղծված իրավիճակի հետ կապված նա պետք է հրաժարական տա»,- ասել է պատգամավորը։
Նրա խոսքով՝ Ղազախստանում ձեւավորված ավտորիտար համակարգն ուղիղ կապ ունի Նազարբաեւայի անվան հետ։ Նրա խոսքով՝ հասարակության մեջ մեծ անվստահություն եւ դժգոհություն կա, որը պետք է կարգավորվի։ «Ամբողջ աշխարհում դրան հասնում են հրաժարականի միջոցով, սա նորմալ համաշխարհային պրակտիկա է»,- ասել է Սարիմը։
Ընդ որում, նա հավելել է, որ Նուրսուլթան Նազարբաեւն ամեն դեպքում կմնա պատմության մեջ։ «Մենք չենք կարող հերքել նրա դերը, ինչպիսին էլ այն լինի։ Եթե ամեն անգամ նախորդի վրա խաչ քաշենք, ապա նորմալ պետություն չենք կառուցի»,- կարծիք է հայտնել պատգամավորը։
Հետևեք մեզ Facebook-ում