Առաջարկների փաթեթը, որը հայկական կողմը ներկայացրել է Ադրբեջանին, 100%-ով կոմֆորտ չէ ՀՀ համար. Փաշինյան

Նիկոլ Փաշինյանն  խորհրդարանում մանրամասնեց, թե հայկական կողմը Հայաստան-Ադրբեջան սահմանագոտում իրավիճակի կարգավորման վերաբերյալ առաջարկների ինչ փաթեթ է ներկայացրել Ադրբեջանին, նաև պարզաբանեց՝ ինչ է նշանակում զորքերի հայելային հետքաշում:

Ըստ նրա  Հայաստանի և Ադրբեջանի միջև գոյություն ունի պետական սահման, քանի որ դեռևս խորհրդային ժամանակներից գոյություն է ունեցել սահման, որը դելիմիտացիայի է ենթարկվել, իսկ 1991թ-ի ԱՊՀ համաձայնագրով, որը վավերացվել է Հայաստանի և Ադրբեջանի խորհրդարանների կողմից, երկու երկրները ճանաչել են միմյանց սահմանները։

Ըստ Նիկոլ Փաշինյանի՝ այս թեմայով անհիմն շահարկումները շատ են, հատկապես՝ այն առումով, թե սահմանագծման և սահմանազատման արդյունքում շատ գյուղեր անպաշտպան են մնալու։

Նիկոլ Փաշինյանը նաև նշեց, թե առաջարկների այն փաթեթը, որը հայկական կողմը ներկայացրել է Ադրբեջանին 100%-ով կոմֆորտ չէ Հայաստանի համար, ինչպես նաև դիսկոմֆորտ չէ Ադրբեջանի համար.

«Հայաստանի և Ադրբեջանի միջև կա սահմանային գիծ, ըստ դրա հետքաշում պետք է տեղի ունենա»,-ասաց Նիկոլ Փաշինյանը։

Աղբյուր՝ yerevan.today