Ցինիզմն ու փարիսեցիությունը Արթուր Սաքունցի համար վաղուց են դարձել իր գործունեության հիմնական սկզբունքները

Այս անձնավորությունը՝ Արթուր Սաքունցը, մինչև Սորոսի հիմնադրամից կերակրվելն ասում են լավ էլ հակաամերիկյան տրամադրությունն էր է ունեցել:

Սակայն, երբ դարձավ այդ հիմնադրամի գլխավոր հաճախորդներից մեկը, միանգամից փոխեց իր աշխարհաքաղաքական մոտեցումները: Բայց, ինչպես ասում են, դա իր գործն է. Հայաստանում կոնյուկտուրային գործիչների պակաս, ցավոք սրտի, երբեք չի եղել: Սակայն երբ մարդն իր տեսակետների մեջ ցինիզմի և փարիսեցիության չափն անցնում է, ապա դրան պատասխան չտալը կլինի ոչ պակաս սրիկայություն:

Այս անձնավորությունն Արցախի պատերազմից հետո, երբ տասնյակ գյուղեր դարձան սահմանամերձ,  և նրանց բնակիչների իրավունքները խախտվում էին գրեթե ամեն օր, այս, իբր, մարդու իրավունքների պաշտպան  գրանտակերը  ծպտուն անգամ չհանեց: Երբ ընտրված քաղաքապետերին ձերբակալում էին, այս անձնավորությունից նույնիսկ ծղրտոց անգամ չէր լսվում:  Այսինքն այս անձնավորության համար 4000 զոհերը՝ հեչ, 11000 վիրավորների խնդիրները՝ հեչ, քաղաքական հետապնդումները՝ հեչ:  Հասկանալի է, որ մարդու իրավունքների վրա բիզնես անող ցեխավիկը հայտնվել է այս իշխանության ամենահարմար տեղը: Պարզ է, որ նրա անպատիժ գործունեության համար պատասխանատվություն են կրում նաև նախկին իշխանությունները: Ինչը ճիշտ է՝ ճիշտ է, հենց նրանց պատճառով է, որ այսպիսի ցեխավիկները «հին» Հայաստանում ծաղկեցին և բարգավաճեցին: Սակայն այս ամենը հերիք չէր,  Բելառուսի նախագահ Ալեքսանդր Լուկաշենկոյի ծաղրանքը Հայաստանի հասցեին նա փորձում է գցել ընդդիմության գրպանը: Տո այ ցինիկ ու  փարիսեցի, նույնիսկ երդվյալ  նիկոլապաշտներն են ընդունում, որ Լուկաշենկոյի ծաղրանքի մեղքն իրենց պատճառով է: Հայաստանի նման խղճուկ վիճակի պատճառով է, որ բոլորն այսօր Հայաստանի մասին արտահայտվում են այնպես, ինչպես հրապարակավ նշեց Բելառուսի նախագահը: Նախկին կոլխոզի նախագահն ասաց այն, ինչ մտածում են մյուսները: Բայց Հայաստանի այս վիճակի մասով մեղքի մեծ չափաբաժինը քոնն է: Եվ դու դրա պատասխանատվությունը կրելու ես: Եվ իզուր ես փորձում Լուկաշենկոյին գցել ընդդիմության գրպանը: Նա առաջին հերթին քո գրպանում է, և դու ես պատասխան տալու Հայաստանի այս իրավիճակի համար: Իսկ ընդդիմությունը իրոք մեղավոր է, որ քո նմաններին տարիներ շարունակ թույլ էր տալիս փարիսեցիաբար խաբել մեր ժողովորդին՝ դրա դիմաց ստանալով Սորոսից թուլափայ:

Սա է իրականությունը:

Դավիթ Մկրտչյան