Քաջարան համայնքի ղեկավար Մանվել Փարամազյանը կրկին կալանավորվեց

Քիչ առաջ Վերաքննիչ դատարանը կրկին կալանավորեց Քաջարան համայնքի ղեկավար Մանվել Փարամազյանին։ Այս մասին Facebook-ի էջում գրել է նրա փաստաբան Երվանդ Վարոսյանը: 

Հիշեցնենքմ որ Սյունիքի մարզի ընդհանուր իրավասության դատարանի որոշմամբ ավելի վաղ փոփոխվել էր կիրառված խափանման միջոց կալանավորումը և որպես խափանման միջոց էր ընտրվել գրավը՝ 70 միլիոն դրամի չափով։

Մանվել Փարամազյանին մեղադրանք է առաջադրվել ՀՀ քրեական օրենսգրքի 38-178-րդ հոդվածի 3-րդ մասով, 311-րդ հոդվածի 4-րդ մասով և 154.2-րդ հոդվածի 2-րդ մասով: Առաջադրված մեղադրանքները Մանվել Փարամազյանը չի ընդունում:

Zham.am