Լուրերը, թե ՊԲ-ի ստորաբաժանումները իբր կրակ են բացել ադրբեջանական Ղափանլու բնակավայրի ուղղությամբ, կեղծ են

Ադրբեջանական լրատվամիջոցներով տարածվող տեղեկությունները, որոնց համաձայն, Արցախի պաշտպանության բանակի ստորաբաժանումներն իբր կրակ են բացել ադրբեջանական Ղափանլու բնակավայրի ուղղությամբ, կեղծ են և ոչ մի առնչություն չունեն իրականության հետ: Այս մասին տեղեկացրին Արցախի Հանրապետության պաշտպանության նախարարությունից։

«Իրականում, նշված հատվածում հրադադարի պահպանման ռեժիմը խախտվել է ադրբեջանական զինված ուժերի կողմից»,-ասվում է հաղորդագրության մեջ:

Արցախի պաշտպանական գերատեսչությունը ևս մեկ անգամ փաստել է իր հավատարմությունը հրադադարի պահպանման շուրջ ձեռք բերված եռակողմ պայմանավորվածություններին և կոչ արել Ադրբեջանին ձեռնպահ մնալ նման տեղեկատվական խարդավանքներից: