Հայտնի են «Եվրատեսիլ 2022»-ի հաղորդավարների անունները

Իտալական «Rai» հեռուստաընկերությունը հայտարարել է, որ 2022թ․-ին «Եվրատեսիլ» երգի մրցույթը կվարեն երգչուհիներ Միկան եւ Լաուրա Պաուզինին, ինչպես նաեւ շոումեն Ալեսանդրո Կատելանը, հայտնում է միջոցառման կայքը։

Եռյակը կվարի երկու կիսաեզրափակիչն ու եզրափակիչը, որոնք համապատասխանաբար կկայանան մայիսի 10-ին, 12-ին եւ 14-ին։

Լաուրա Պաուզինին իտալացի երգչուհի է, բազմաթիվ հեղինակավոր մրցանակաբաշխությունների, այդ թվում «Գրեմմիի» եւ «Ոսկե գլոբուսի» դափնեկիր։ Նա «Օսկար» 93-րդ մրցանակաբաշխության ընթացքում՝ 2021թ․-ին, կատարել է «Io sì» կոմպոզիցիան։

Ալեսանդրո Կատելանն իտալացի հեռուստահաղորդավար է։ Նա վարել է այնպիսի շոուներ, ինչպիսիք են «Request Live», «Le Iene» եւ «The X Factor» (Իտալիա)։

Միկան բրիտանացի երգիչ է։ Նա մարզիչ է եղել «Ձայնը» նախագծի ֆրանսիական տարբերակում եւ «The X Factor»-ի իտալական տարբերակում։

«Եվրատեսիլ 2022»-ն անց կկացվի Թուրինում։ Իտալիան իրավունք է ստացել 2022թ․-ին հյուրընկալել «Եվրատեսիլը», երբ 2021թ․-ին «Måneskin» ռոք խումբը Ռոտերդամում հաղթանակ է տարել «Zitti E Buoni» երգով։