Սասուն Միքայելյան. Ճիշտ կլինի, որ վարչապետ դառնա Սերժ Սարգսյանը (Տեսանյութ)

«Ավելի ճիշտ կլինի, որ ինքը լինի, որ վերջիվերջո մի անգամ պարտավորություն վերցնի իր վրա: Թե չէ տարիներ ընթացքում եսիմ քանի վարչապետ է փոխվել, եւ ինքն իր վրա ոնց որ պատասխանավություն չի վերցրել: Վերջերս ես եկել եմ եզրակացության, որ ինքը պետք է լինի, Սերժ Սարգսյանին ես նկատի ունեմ», - այսօր ՀՀ Ազգային ժողովում լրագրողների հետ զրույցում «Ելք» խմբակցության պատգամավոր Սասուն Միքայելյանը, մեկնաբանելով օրեր առաջ Գալուստ Սահակյանի հնչեցրած հայտարարությունը, թե «Մեր ազգը պիտի ընդունի, որ առաջիկայում նորից Սերժ Սարգսյանը պետք է ղեկավարի երկիրը»:

«Մի քանի տարում մենք այնքան վարչապետ ենք փոխել: Եթե շարունակենք մեկ-երկու տարին մեկ վարչապետ փոխել, եւ նրանցից ոչ մեկը ժողովրդի, պետության առջև պատասխանատվություն չի կրելու, ապա ճիշտ կլինի, որ վարչապետ դառնա Սերժ Սարգսյանը` այս ամենին վերջ տալով», - ասաց նա, հավելելով, որ Սերժ Սարգսյանի դեպքում ինքն իրեն չի կարող փոխել:

Zham.am

Տեսանյութը՝ Factor.am-ի: