Կանադան Ուկրաինայից հետ է կանչում դեսպանատան աշխատակիցների մի մասին

Կանադայի կառավարությունը որոշում է ընդունել հետ կանչել Կիևում իր դիվանագետների ընտանիքներին և դեսպանատան օպերատիվ աշխատանքում չներգրավված աշխատակիցներին։ Այս մասին ասվում է Կանադայի կառավարության կայքում։ Իշխանություններն ընդգծել են, որ շարունակում են ակնդետ հետևել Ուկրաինայում իրադրության զարգացմանը, սակայն Կանադայի քաղաքացիների անվտանգությունն Օտտավայի համար մնում է առաջնահերթություն։

Դեսպանատունը բաց է մնում։ Նշենք, որ Ռուսաստանը բազմիցս հերքել է Ուկրաինա ներխուժելու պլանների առկայության վերաբերյալ Արևմուտքի պնդումները։