Զելենսկին կասկածներ ունի, որ ԱՄՆ-ն միտումնավոր ուռճացնում է ռուսական սպառնալիքը. Politico

Ուկրաինայի նախագահ Վլադիմիր Զելենսկին փոխել է իր դիրքորոշումը ռուսական սպառնալիքի վերաբերյալ՝ մտավախություն ունենալով, որ Միացյալ Նահանգները միտումնավոր ուռճացնում է այս խնդիրը՝ Մոսկվայի հետ համաձայնագրեր, մասնավորապես՝ Դոնբասի վերաբերյալ կնքելու համար։ Այս մասին հայտնել է Politico-ն՝ վկայակոչելով աղբյուրներ։

Ըստ պարբերականի՝ անցյալ տարվա նոյեմբերին Ուկրաինայի առաջնորդը «տագնապ հնչեցրեց» ռուսական «ներխուժման» մտավախությունների պատճառով, սակայն վերջերս նա ասում է, որ այդ երկրի հետ առճակատումն այնքան էլ վախեցնող չէ:

Աղբյուրի կարծիքով՝ Զելենսկին մտավախություն ունի, որ ԱՄՆ-ն միտումնավոր չափազանցնում է Ռուսաստանի նախագահ Վլադիմիր Պուտինի սպառնալիքը, քանի որ դա քաղաքական տարածք կտա Կրեմլի հետ պայմանավորվածությունների կնքման համար, օրինակ՝ Դոնբասի նկատմամբ Մոսկվայի վերահսկողության ուժեղացման հարցում:

Zham.am