12 մլն մարդ հայտնվել է ջրհեղեղի գոտում. Չինաստան. Video, photo

Վկայակոչելով չինական աղբյուին Lenta.ru-ն հաղորդում է, որ Չինաստանի կենտրոնական շրջաններում շարունակվող հորդառատ անձրևների հետևանքով ավելի քան 12.2 մլն բնակիչ հայտնվել է աղետի գոտում:

Հունան նահանգում, տեղական կառավարման մարմինների տվյալներով, 83 մարդ է զոհվել կամ անհետ կորել: Նրանց թվում 28 մարդ մնացել է սողանքների հետևանքով առաջացած փլատակների տակ, 13-ը ջրհեղեղի զոհ է դարձել, 22-ը զոհվել է շենքերի փլուզման ժամանակ, 4-ը՝ խեղդվել, ևս 16-ը անհետ կորած են համարվում:

Անհապաղ տարհանվել է 1.62 մլն մարդ, ավելի քան 470 000 մարդ շուտափույթ նյութական օգնության կարիք ունի:

Հորդառատ անձրևները, որոնք չեն դադարում հունիսի 22-ից, նահանգում 53 000 բնակելի տուն են ավերվել, ևս 68 000 տուն լրջորեն վնասվել է: