Երբ իշխանական համակարգը փլուզման եզրին է

Երեկ կարևոր օր էր Հայաստանի քաղաքական կյանքում․ փաստորեն կայացավ Օսկանյան-Օհանյան դաշինքը, և քաղաքականություն վերադարձավ ԲՀԿ հիմնադիր նախագահ Գագիկ Ծառուկյանը։ Այս իրադարձությունները ոչ միայն լրջորեն փոխում են քաղաքական խճանկարը ընտրություններից առաջ, այլ նաև իրական հիմքեր են ստեղծում իշխանական համակարգի փլուզման համար։ Եվ դրա առաջին ծիծեռնակը կարծես թե արդեն եղել է։

Իշխան Զաքարյանը թերթերից մեկի հետ զրույցում ողջունել է Ծառուկյանի վերադարձը, նշելով, որ պատրաստ է կանգնել իր կողքին։ Սա չափազանց կարևոր է այն առումով, որ այս դեպքը կարող է նախադեպ դառնալ և մնացած բոլոր անձիք, ովքեր կողմ են փոփոխություններին, կարող են արտահայտվել և բացեիբաց աջակցություն ցուցաբերել ոչ իշխանական բևեռում գործող ուժերին։

Ես նաև կոչ եմ անում հանրությանն ադեկվատ արձագանքել նման երևույթներին․ հասկացեք, ինչքան շուտ փլուզվի իշխանական բուրգը, այնքան ավելի շուտ մենք իշխանություն կփոխենք, կձևավորենք որակապես նոր իշխանություն, որն իսկապես կլինի ազգային համաձայնության իշխանություն, և արագ կսկսենք փոխել վիճակը երկրում։ Մեր բոլորի շահերից է բխում արագ փոփոխությունների իրականացումը․ մենք պետք է ավելի արագ ներսից փոխվենք, քան Ալիևը կփորձի իր տանկերով մեզ փոխել․․․

Սեւակ Դանիելյանի ֆեյսբուքյան էջից