Ի՞նչ նպատակով է Մելանիա Թրամփը հանդիպել Վլադիմիր Պուտինին (լուսանկարներ)
ԱՄՆ առաջին տիկին Մելանիա Թրամփը մտել է այն սրահ, որտեղ բանակցություններ էին վարում նրա ամուսինը՝ ԱՄՆ նախագահ Դոնալդ Թրամփը և ՌԴ նախագահ Վլադիմիր Պուտինը: Այս մասին հայտարարել է ԱՄՆ պետրքարտուղար Ռեքս Թիլլերսոնը, հաղորդում են միջազգային ԶԼՄ-ը:
«Բոլորը կանգնած էին դռան մոտ: Ես անգամ մտածում եմ, որ նրանք (Թրամփի թիմի անդամները) առաջին տիկնոջն ուղարկել են, որպեսզի տեսնեն կարող է նա տանել մեզ այնտեղից, բայց դա արդեն չօգնեց», - պատմեց լրագրողներին Պետդեպի ղեկավարը:
Դրանից հետո երկու երկրների առաջնորդների բանակցությունները շարունակվեցին ևս մեկ ժամ:
«Միանշանակ, նրա մտահղացումը չաշխատեց», - նշեց Թիլլերսոնը:
Ռեքս Թիլլերսոնը, ինչպես նաև նրա ռուսաստանցի գործընկեր Սերգեյ Լավրովը, նշեցին Պուտին-Թրամփ բանակցությունների կառուցողական բնույթը:
Նշենք, որ այդ օրը Մելանիայի միակ հանդիպումը չէր Վլադիմիր Պուտինի հետ: Ավելի ուշ հյուրերի համար կազմակերպված ճաշկերույթին Մելանիա Թրամփը նստել էր Վլադիմիր Պուտինի կողքին, իսկ, ահա, Թրամփին կազմակերպիչները նստեցրել էին փոքր ինչ հեռու:
Zham.am
Հետևեք մեզ Facebook-ում