Ինչի՞ մասին են զրուցել Պուտինն ու Թրամփը. պատմական հանդիպման արդյունքները (լուսանկար, տեսանյութ)

ՌԴ նախագահ Վլադիմիր Պուտինը և ԱՄՆ նախագահ Դոնալդ Թրամփը պայմանավորվել են Սիրիայի հարավում հրադադարի մասին ժամը 00:00-ից, հուլիսի 9-ին: Այդ տարածքներում անվտանգությունը կապահովի ռուսաստանյան ոստիկանությունը ԱՄՆ և Հորդանանի ուժերի հետ համատեղ: Հաղորդում է «Вести.ru»-ն:

ՌԴ ԱԳՆ ղեկավար Սերգեյ Լավրովը Պուտինի ու Թրամփի հանդիպումը կառուցողական է անվանել, միտված «ազգային շահերի իրագործմանը»: Խոսել են ոչ միայն Սիրիայից: Բանակցությունների կարևոր արդյունքներից էր ՌԴ և ԱՄՆ կառավարությունների միջև Ուկրաինայի հարցով խողովակների ստեղծումը:  

Ուկրաինական հարցը քննարկելու ժամական ամերիկյան կողմը հաղորդեց, որ նրանք հատուկ ներկայացուցիչ են նշանակել ուկրաինական ճգնաժամի կարգավորման ջանքերին աջակցելու համար: Առաջիկայում ուկրաինական ճգնաժամի հարցով ԱՄՆ հատուկ ներկայացուցիչը կժամանակի Մոսկվա խորհրդակցություններ անցկացնելու համար: 

«Երրորդ թեման՝ կիբերանվտանգությունն է, - ասաց Սերգեյ Լավրովը, - Նախագահները համակարծիք են, որ այդ ոլորտը դառնում է առավել ռիսկային: Այն սպառնալիքներ է ծնում, ներառյալ ահաբեկչական, այլ ոլորտներում կազմակերպված հանցագործությունների սպառնալիքները և հասարակությունների նորմալ գործարկման սպառնալիքները»:

«Չորրորդ պայմանավորվածությունը՝ պայմանավորվել են արագացնել ԱՄՆ-ում ՌԴ և ՌԴ-ում ԱՄՆ դեսպանների նշանակման համար անհրաժեշտ գործընթացների պայմանները», - եզրափակեց Լավրովը:

«Մթնոլորտը կառուցողական էր...», - հավելեց Լավրովը:

Հիշեցնենք՝ երեկ՝ հուլիսի 7-ին, Համբուրգում «G20»-ի շրջանակներում տեղի ունեցավ Պուտինի և Թրամփի, այսպես կոչված, պատմական հանդիպումը: 

Zham.am

 Լուսանկարը՝ «ՌԻԱ Նովոստի»-ի