ԱՄՆ-ը նախազգուշացրել է Բելառուսին՝ չօգնել Ռուսաստանին Ուկրաինա ներխուժելու դեպքում:
«Մենք նաեւ Բելառուսին հստակ հասկանալ ենք տվել, որ եթե թույլ տա օգտագործել իր տարածքը Ուկրաինայի դեմ գրոհելու համար, ապա կբախվի արագ եւ վճռական պատասխանի ԱՄՆ-ի, մեր դաշնակիցների եւ գործընկերների կողմից»,- ասել է պետդեպարտամենտի ներկայացուցիչ Նեդ Փրայսը, տեղեկացնում է «Голос Америки»-ն։
«Եթե ներխուժումը տեղի ունենա Բելառուսից, եթե ռուսական զորքերը մշտապես գտնվեն նրա տարածքում, ապա, միանգամայն հնարավոր է, որ ՆԱՏՕ-ն ստիպված կլինի վերանայել սեփական ուժերի դասավորությունը Բելառուսի սահմանակից երկրներում»,- ավելացրել է նա։
Ավելի վաղ այս ամսվա ընթացքում Լուկաշենկոն հայտարարել էր, որ ռուս-բելառուսական համատեղ ռազմական զորավարժությունները տեղի կունենան փետրվարին, զորավարժությունների ընթացքում պետք է մշակվի Արեւմուտքի ուժերին երկրի զինված ուժերի դիմակայության սցենարը։
Հետևեք մեզ Facebook-ում