Ընդհանուր առմամբ Արմեն Սարգսյանն արտերկրում անցկացրել է (ներառյալ` մասնավոր այցերը) շուրջ 77 օր կամ բոլոր աշխատանքային օրերի շուրջ 30%-ը

Չորս տարի իր բնորոշմամբ «ակտիվ» աշխատած Հանրապետության նախագահ Արմեն Սարգսյանը 2021 թվականի ընթացքում այցելել է 12 երկիր, ընդ որում, որոշ երկրների մի քանի անգամ։ Ընդհանուր առմամբ Հանրապետության նախագահն արտերկրում անցկացրել է (ներառյալ` մասնավոր այցերը) շուրջ 77 օր կամ բոլոր աշխատանքային օրերի շուրջ 30%-ը։

 

2022 թվականի 23 ընդհանուր օրերից առաջին շաբաթներն անցկացրել է Կատարում, որից հետո մի քանի օր անցկացրել է Արաբական Միացյալ Էմիրություններում, իսկ այնտեղից առողջական խնդիրների պատրվակով, մեկնել է Լոնդոն ու այնտեղից հայտարարել իր հրաժարականի մասին։

 

Նա իր պաշտոնավարման ողջ ընթացքում նախագահի պաշտոնը ծառայեցրել է միայն իր անձնական շահերին։

 

Հանրապետության նախագահի պաշտոնը զբաղեցրել է մի մարդ, որի ընտանիքում միայն ինքն ուներ ՀՀ քաղաքացիություն (այն էլ նախագահ ընտրվելու համար նվազագույն ժամկետի կասկածելի իրավական հիմքերով), իսկ ընտանիքում միայն ինքն ու կինն են խոսում հայերեն լեզվով։