«Հրապարակին» կոչ եմ անում ջնջել այս նյութը, քանի որ խայտառակ ապատեղեկատվություն ու զրպարտություն է

«Երբ ապրիլյան պատերազմի օրերին առաջնագծում էի, երբեք չէի մտածի, որ կգա մի օր ու իմ դեմ տարվող կեղտոտ լրատվական քարոզչության մեջ կօգտագործեն կենսագրությանս ամենամաքուր էջերից մեկը: Դուք ձեր գրածներին գոնե հավատու՞մ եք: Հասկանում եմ, որ փաստի առաջ եք կանգնել, հասարակությանը պետք է ուղորդեք, մի ձև տակից դուրս գաք: Գիտակցում եմ, որ մարդկանց համար առնվազն տարօրինակ է, երբ քաղաքական գործիչը կարող է պարզապես թողնել ու հեռանալ` առանց ավելորդ բաներ խոսելու: Բոլոր կեղտոտ մեկնաբանություններ ապահովող, կոնսպիրոլոգիաներ կերտող ու դիտումների հարց լուծող «ուժերին» պարզապես կոչ եմ անում ունենալ չափի և բարոյականության սահման:

Ձեռքի հետ էլ կցում եմ այս նյութը, որ անծանոթ մարդիկ զերծ մնան մոլորեցնող հակաքարոզչությունից», - «Ֆեյսբուք»-ի իր էջում գրել է աշխատանքի եւ սոցիալական հարցերի փոխնախարար Աշոտ Մարգարյանը:

***

«Եվս մի ապացույց, որ այս նեխած համակարգում ազնիվ մարդիկ չեն կարող երկար ձգել: Աշոտին պատերազմի առաջին օրը տեսել եմ Ստեփանակերտի հավաքակայանում, որտեղ էլ մոտ կես ժամ զրուցել ենք տարբեր խնդիրների մասին: Գիտեմ, որ հետագայում տեղակայված է եղել հյուսիսային ուղղությամբ: Վստահ եմ, որ ցանկություն դեպքում կարող էր մնալ Ստեփանակերտում և, տարատեսակ լրատվամիջոցներին հարցազրույցներ տալով, իր համար հանգիստ ապրել: 

Հրապարակին կոչ եմ անում ջնջել այս նյութը, քանի որ խայտառակ ապատեղեկատվություն ու զրպարտություն է»:

Գրել է Տիգրան Գրիգորյանը «Ֆեյսբուք»-ի իր էջում աշխատանքի եւ սոցիալական հարցերի փոխնախարար Աշոտ Մարգարյանի մասին:

Zham.am