Ներսես Երիցյանն իր գումարները պահում է կանխիկ. ինչո՞ւ. Տեսանյութ

ՀՀ ԱԺ-ում այսօր քննարկվում էր «Անկանխիկ գործառնությունների մասին» օրինագիծը։ Նախ նշեմ, որ անկանխիկ վճարումներն ինքնին և ընդհանրապես վատ բան չեն և քաղաքակիրթ ամբողջ աշխարհը գնում է այդ ուղղությամբ։

 

Սակայն, հետաքրքիր է, թե ԱԺ-ում այդ օրինագիծը կառավարության կողմից ներկայացնող ՀՀ ԿԲ նախագահի տեղակալ Ներսես Երիցյանն ի՞նչ եղանակով է պահում իր ֆինանսական միջոցները։

 

Պաշտոնատար անձանց 2020թ․ եկամուտների հայտարարագրում Ներսես Երիցյանն իր ֆինանսական միջոցների հատվածում նշել է․ կանխիկ՝ 350 հազար դոլար, անկանխիկ՝ 11 մլն դրամ կամ շուրջ 20 հազար դոլար։

 

Զավեշտալի է, որ խորհրդարանի ամբիոնից անկանխիկ գործառնությունների քարոզ անող Ներսես Երիցյանն անձնապես իր ֆինանսական միջոցները պահում է կանխիկ։ Անկանխիկ գործառնությունների ավելի լավ հակաքարոզ պարզապես հնարավոր չէր պատկերացնել։

Հետաքրքիր է, թե ո՞րն է պատճառը։ Այն, որ բանկային համակարգի ներկայացուցիչ լինելով Ներսես Երիցյանը չի՞ վստահում բանկային համակարգին, թե՞ այլ հարց կա, օրինակ փողերի լվացման, ինչպես ԱԺ ամբիոնից մատնանշեց ՔՊ-ական պատգամավորներից մեկը՝ ավելացնելով․ «Կանխիկով գումարի ծագումը հայտնի չի լինում»։

 

Հիմա, թե այս տարբերակներից ո՞ր մեկն է, իրենք իրար մեջ թող պարզեն։