Պորոշենկոն բեմի վրա. ի՞նչ է կատարվում Կիևի օդանավակայանում. Տեսանյութ

Ուկրաինայի նախկին նախագահ Պյոտր Պորոշենկոյի մոտ նոր աստղային ժամ է սկսվել՝ հայրենիք վերադառնալուն պես, ի զարմանս շատերին:

Օդանավակայանում հատուկ նրա համար բեմ է կառուցվել, և նախկին նախագահը, ճեղքելով Հետաքննությունների պետական ​​բյուրոյի մի խումբ աշխատակիցներին, մեծ ոգևորությամբ ելույթ ունեցավ համակիրների առաջ:

Ինչպես հաղորդում է «Русская Весна»-ն, Պորոշենկոն այսօր Վարշավայից վերադարձել է Կիև։ Մինչ ինքնաթիռը վայրէջք էր կատարում, Կիևի օդանավակայանում հավաքվել էին նախկին նախագահի ավելի քան հազար կողմնակիցներ։

Փաստաթղթերի ստուգման ժամանակ Պորոշենկոյից խլել են անձնագիրը, և շատերն ակնկալում էին, որ նրան հենց այնտեղ կկալանավորեն։ Սակայն որոշ ժամանակ անց փաստաթուղթը վերադարձվել է նրան, և նա բեմ է բարձրացել որպես հաղթող։

Դատելով կադրերից՝ Պորոշենկոն էյֆորիայի մեջ է. անթաքույց ուրախությամբ նա սկսեց իր ելույթը՝ ակտիվ ժեստիկուլյացիա անելով և լայն ժպտալով։

Բացի քաղաքական կարգախոսներից ու խոստումներից, Պորոշենկոն ցուցարարներին հրավիրեց Պեչորսկի շրջանային դատարանի շենք, որտեղ մոտ ժամանակներս որոշում կկայացվի նրա խափանման միջոցի վերաբերյալ։

Zham.am