Կոչ ենք անում կողմերին կայունացնել իրավիճակը ԼՂ շուրջ. ՌԴ ԱԳՆ (տեսանյութ)
Այսօր ՌԴ ԱԳՆ պաշտոնական ներկայացուցիչ Մարիա Զախարովան լրագրողների համար կազմակերպվող հերթական ամենշաբաթյա ճեպազրույցի ընթացքում անդրադարձել է ղարաբաղա-ադրբեջանական շփման գծում լարվածության աճին: ՌԴ ԱԳՆ պաշտոնական ներկայացուցիչը կոչ է արել հակամարտող կողմերին կայունացնել իրավիճակը ԼՂ շուրջ:
«Հուլիսի 4-ին շփման գծում հրադադարի ռեժիմի խախտման հերթական դեպքը հանգեցրել է մարդկային կորուստների, այդ թվում և խաղաղ բնակչության ու երեխաների շրջանում: Մեր ցավակցություններն ենք հայտնում զոհվածների մտերիմներին և հարազատներին: Մենք անընդունելի ենք համարում հետագա արյունահեղությունը, և կոչ ենք անում կողմերին ձեռնարկել բոլոր անհրաժեշտ միջոցները իրադրության կայունացման համար», - ասաց Զախարովան:
Ինչ վերաբերվում է ՌԴ ԱԳ նախարար Սերգեյ Լավրովի հանդիպմանը Հայաստանի և Ադրբեջանի արտգործնախարարների հետ ղարաբաղյան հակամարտության կարգավորման հարցի վերաբերյալ, ասաց, որ հուլիս ամսվա ժամանակացույցը ճշտվում է:
Տեսանյութը կարող եք դիտել 1:02 րոպեից:
Հետևեք մեզ Facebook-ում