Հայաստանի և Ադրբեջանի միջև սահմանազատումը չի վերաբերվում ղարաբաղյան տարածաշրջանին. Լավրով
Հայաստանի և Ադրբեջանի միջև սահմանի սահմանազատումը չի վերաբերվում Լեռնային Ղարաբաղի կարգավորմանը, այս մասին մամուլի ասուլիսի ժամանակ ասաց ՌԴ ԱԳ նախարար Սերգեյ Լավրովը։
Նա հավելեց, որ Մոսկվան հանդես է գալիս Հայաստանի և Ադրբեջանի միջև սահմանի շուտափույթ սահմանազատման օգտին։
«Սակայն դա չի վերաբերվում ղարաբաղյան տարածաշրջանին և կարգավորման հարցին, սա զուտ երկկողմանի խնդիր է, որի վրա մենք առաջարկում ենք սկսել աշխատել արդեն մոտ մեկ տարի՝ դրա համար սահմանագծման և սահմանազատման հանձնաժողով ստեղծելով», - ասաց Լավրովը։
Մոսկվան իրեն առաջարկում է որպես խորհրդատու, քանի որ Ռուսաստանի Դաշնության Գլխավոր շտաբն ունի քարտեզներ, որոնք արտացոլում են ԽՍՀՄ կազմավորման տարբեր փուլերը և նրա վարչական սահմանների և միութենական հանրապետությունների միջև սահմանների փոփոխությունները:
«Հենց երեկ ես խոսել եմ իմ հայ գործընկերոջ հետ հենց այս թեմայով, կա համապատասխան առաջարկ կողմերից, հանձնաժողով ստեղծելու համար անհրաժեշտ է նախ պայմանավորվել պայմանների շուրջ: Այդ պայմանները հիմա քննարկվում են»,- ասաց Լավրովը։
Ըստ նրա կան տարըմբռնումներ: Մոսկվայի դիրքորոշումն է՝ նստել բանակցությունների սեղանի շուրջ և պաշտոնապես ստեղծված հանձնաժողովի շրջանակներում լուծել բոլոր հարցերը, որոնք մնում են չլուծված։
Zham.am
Հետևեք մեզ Facebook-ում