«Ադրբեջանն իրենով է արել «Գուգլ»-ը»․ Ոսկան Սարգսյան

Տավուշի մարզի սահմանային շատ տարածքներում «Գուգլ»-ը ցույց է տալիս, որ գտնվում ես Ադրբեջանի տարածքում։ Ադրբեջանը իրենով է արել այդ ընկերությանը։ Ադրբեջանի տիեզերական գործակալության վարչության նախագահ Սամեդդին Ասադովը հայտարարել է, որ ադրբեջանական քաղաքների և գյուղերի հայերեն անվանումները «Գուգլ»-ում հետագայում կարող են լրիվ հեռացվել։ Նա ասել է, որ Ադրբեջանի թվային զարգացման և տրանսպորտի նախարարությունն ակտիվ համագործակցում է «Գուգլ»-ի հետ, որպեսզի փոխի այդ ընկերության քարտեզների որոնողական համակարգում տեղանունների գրառումները, և այդ համագործակցության շրջանակներում մի շարք տոպոնիմներ արդեն փոխվել են»։

Ոսկան Սարգսյանի ֆեյսբուքյան էջից