Նուրսուլթան Նազարբաևն ու նրա դուստրերը լքել են Ղազախստանը. ORDA.kz

Ղազախստանի Հանրապետության առաջին նախագահ Նուրսուլթան Նազարբաևը հունվարի 7-ին դուստրերի հետ լքել է երկիրը։ Այս մասին հայտնում է ղազախական Orda.kz-ն։

Ըստ Orda-ի՝ երկրում է մնացել Նուրսուլթան Նազարբաևի կրտսեր եղբայրը՝ Բոլաթը։ Առաջին նախագահի դուստրերի ընտանիքները նույնպես հեռացել են։

«Հատկանշական է, որ Ղազախստանում քաղաքական ճգնաժամի սկզբից ի վեր ո՛չ պաշտոնական իշխանությունները, ո՛չ պետական ​​հեռուստաալիքներն ու լրատվամիջոցները չեն նշում Նուրսուլթան Նազարբաևի և նրա ընտանիքի անդամների անունները, չի խոսվում նույնիսկ, թե որտեղ են նրանք և ինչ է պատահել նրանց հետ: Մենք տեղեկություններ ունենք, որ առաջին նախագահը և նրա դուստրերը ընտանիքներով լքել են Ղազախստանը: Երկրում մնում է միայն ավագ եղբայրը՝ Բոլաթ Նազարբաևը», - ասել է հրատարակության գլխավոր խմբագիր Գուլնարա Բաժկենովան։

Հիշեցնենք նաև, որ Նիկոլ Փաշինյանն ավելի վաղ հայտնել էր, որ Ղազախստանի Հանրապետության նախագահ Կասիմ-Ժոմարտ Տոկաևի դիմումի հիման վրա և Ղազախստանի ազգային անվտանգությանն ու ինքնիշխանությանը սպառնացող վտանգների բերումով, որն առաջացել է այդ թվում՝ արտաքին միջամտության հետևանքով, ՀԱՊԿ Հավաքական անվտանգության խորհուրդը Հավաքական անվտանգության պայմանագրի 4-րդ հոդվածի համաձայն՝ որոշում է կայացրել սահմանափակ ժամանակահատվածով Ղազախստանի Հանրապետություն ուղարկել ՀԱՊԿ հավաքական խաղաղապահ ուժեր՝ այդ երկրում իրավիճակի կայունացման և կարգավորման նպատակով:

Zham.am