Իրանի նախագահն Ամանորին ընդառաջ հանդիպել է իրանահայ նահատակի ընտանիքի հետ

Իրանի նախագահ Սեյեդ Էբրահիմ Ռայիսին, Սուրբ ծննդյան և Ամանորի նախօրեին, ուրբաթ օրն այցելել է իրանահայ նահատակ Վարդան Աղա Խանյանի տուն և տոնի կապակցությամբ շնորհավորել նահատակի ընտանիքի անդամներին և Հիսուս Քրիստոսի բոլոր հետևորդներին:

ԻԻՀ նախագահն ասել է. «Քրիստոսի կրոնի ճշմարտությունը ոչնչով չի տարբերվում Իսլամի կրոնի ճշմարտությունից, և Ղուրանում նշված են  Մարիամի և Հիսուսի  գերազանց հատկանիշները: Ես հուսով եմ, որ ամենակարող Աստված հաջողություն կպարգևի նրանց: բոլոր քրիստոնյաներին հետևել Հիսուսի ուսմունքներին: Թող ամենակարող Աստված հաջողություն տա բոլոր քրիստոնյաներին՝ հետևելու Հիսուսի ուսմունքներին»:

Նախագահը հավելել է. «Թշնամիներին նահատակների ուղերձը կայանում է նրանում, որ Իրանի ժողովուրդը միշտ պատրաստ է անձնազոհությամբ պաշտպանել իր հայրենիքը, և այս հարցում  տարբերություն չկա մուսուլման, քրիստոնյա և զրադաշտական ​​հայրենակիցների միջև։ Իրանն  իրանցիների համար ամեն ինչից առավել է և նրանք պատրաստ են իրենց կյանքը զոհել հանուն հայրենիքի»:

Ռայիսին նշել է. «Մենք պարտավորություն ունենք բոլոր նահատակների առջև: Մենք մեր երկրի անվտանգության ու անկախության համար պարտական ​​ենք նահատակներին և ոչ մի պահ չպետք է անտեսենք նրանց պայքարն ու ձեռքբերումները»։

Իրանի նախագահն ասել է. «Հանուն հայրենիքի և ժողովրդի  անվտանգությանիր կյանքը զոհաբերած ցանկացած անձ  թանկ և հարգված է  Իրանի ոժղովրդի համար: Նահատակներն Իրանի և իրանցիների հպարտությունն են։ Եվ ինչպես հանդերձյալ կյանքում, այս աշխարհում նույնպես  նահատակների հիշատակը պետք է վառ մնա»:

Իրանահայ Վարդան Աղախանյանը նահատակվել է մոտ 36 տարի առաջ՝ 20 տարեկան հասակում, Իրան-Իրաք պատերազմի ժամանակ Մաջնուն կղզու ռազմական գործողությունների ժամանակ:

Աղբյեւր՝ Parstoday.com