Ռուսաստանի պաշտպանության նախարարը հանդիպել է Էրդողանի հետ

Ռուսաստանի Դաշնության (ՌԴ) պաշտպանության նախագահ Սերգեյ Շոյգուն մեկնել է Թուրքիա: Ստամբուլի Հուբեր կոչվող նստավայրում նրան ընդունել է Թուրքիայի նախագահ Ռեջեփ Թայիփ Էրդողանը:
Ըստ թուրքական «Ensonhaber» լրատվամիջոցի՝ նշյալ հանդիպմանը ներկա են եղել նաև Թուրքիայի զինուժի գլխավոր շտաբի պետ, բանակի գեներալ Հուլուսի Աքարը, պաշտպանության նախարար Ֆիքրի Ըշըքը և նախագահականի խոսնակ Իբրահիմ Քալընը:

Առայժմ տեղեկություն չեն հաղորդվում, թե ինչ թեմաներ են քննարկվել նշյալ հանդիպման ժամանակ: Փոխարենը հիշեցվում է, որ հանդիպման նախորդ օրը Էրդողանը հեռախոսազրույց է ունեցել Ռուսաստանի նախագահ Վլադիմիր Պուտինի հետ, որի ընթացքում քննարկվել են Սիրիայի և Քաթարի շուրջ տիրող ճգնաժամային իրավիճակները:

Օրերս թուրքական լրատվամիջոցներ տարածել էին տեղեկատվությունը, թե իբր ռուսական զորքերը դուրս են գալիս Սիրիայի քրդերի վերահսկողության տակ գտնվող քրդաբնակ Աֆրին շրջանից, որպեսզի Թուրքիան այնտեղ ռազմական գործողություններ սկսի:

Աղբյուր` Ermenihaber.am