Լոս Անջելեսում կայացել է հայ և ադրբեջանցի գործարարների զավակների հարսանիքը (տեսանյութ, լուսանկարներ)

Լոս Անջելեսում «Dolby Theatre»-ում, որտեղ ավանդաբար տեղի է ունենում «Օսկար» մրցանակաբաշխությունը, հուլիսի մեկին կայացել է ռուսաստանցի գործարարներ Էլդար Օսմանովի դստեր՝ Լոլիտայի և Ալբերտ Ավդոլյանի որդու՝ Գասպարի հարսանեկան արարողությունը:

Հարսանիքը վարել են Քսենիա Սոբչակը և Անդրեյ Մալախովը, իսկ հրավիրված երգիչների ցանկում էին Սվետլանա Լոբոդան, Նիկոլայ Բասկովը, Ստաս Միխայլովը և Լեդի Գագան:

Հյուրերն իրենց մասնակցությունը հարսանիքին գրեթե չեն հրապարակայնացրել: Միայն Քսենիա Սոբչակը չի դիմացել և «Ինսթագրամ»-ի իր էջում տեսանյութ հրապարակել՝ «Ամեն օր չեմ հայտարարում Լեդի Գագային» գրությամբ:

Հյուրերի ցանկում էր նաև հայտնի ոսկերիչ Լորի Ռոդկինը, որը սոցիալական կայքերի էջերից մեկում գրել է. «Մինչև վերջ չեմ հասկանում, ես Ռուսաստանում եմ, թե՝ Հայաստանում, թե հայկական «Ձայնը» շոուին»:

Ինչ վերաբերվում է հարսանյան հանդեսի ճոխությանը՝ խոսքերն ավելորդ են:

Zham.am