Եթե Ռուսաստանը պաշտոնապես հրաժարվի Հայաստանից, Ուկրաինայից, ապա ինչու՞ հետագայում չի հրաժարվի Չեչնյայից, Ուրալից, Կամչատկայից և այլն

Կան պատմական չգրված օրենքներ, որոնցից մեկն ասում է, որ եթե դու կամավոր հրաժարվում ես օրենքով քեզ պատկանող տարածքի մի կտորից, որը քեզնից խլել են անօրինական ձևով, ապա ժամանակի ընթացքում կորցնելու ես ամբողջը։

Հիմա եթե Ռուսաստանը պաշտոնապես հրաժարվի Հայաստանից, Ուկրաինայից, Լատվիայից, Ղազախստանից և մյուսներից, այսինքն միջազգային օրենքով ԽՍՀՄ-ին պատկանող տարածքներից, ապա ինչու՞ հետագայում, որոշակի պայմանների բերումով, չի հրաժարվի Չեչնյայից, Ուրալից, Կամչատկայից և այլն։ Եթե ԽՍՀՄ հանրապետությունները կարող են օրենքի խախտումով դուրս գալ ԽՍՀՄ կազմից, ապա ինչու՞ Չեչնյան կամ Ուրալը կամ Ալթայը չեն կարող։ Եվ այս գործընթացները Ռուսաստանի թշնամիները, վաղ, թե ուշ, սկսելու են։

Հետևաբար, Ռուսաստանի համար կենսական նշանակություն ունի ԽՍՀՄ տարածքային ամբողջականության՝ օրինականության վերականգնումը։

Որ պահին, որ Ռուսաստանը դատարանով կճանաչի ԽՍՀՄ փլուզման անօրինականությունը, դրանով իսկ կփակի ԽՍՀՄ ամբողջ տարածքի նկատմամբ տարածքային հավակնությունների թեման, այդ թվում նաև Մեծ Թուրանի նախագիծը։

ԽՍՀՄ տարածքային ամբողջականության վերականգնումը, Ռուսաստանի հետ հավասար, կենսական անհրաժեշտություն է նաև Հայաստանի համար։

Հայկ Այվազյանի ֆեյսբուքյան էջից