Աշխարհաքաղաքական պայքարը տեղափոխվում է Հայաստան

Այդ թվում Փաշինյանի մեծ ջանքերի շնորհիվ Արևմուտք-ՌԴ մրցապայքարը տեղափոխվում է հենց Հայաստանի տարածք ու Հայաստանի կենսական շահերի դաշտ, ինչից ակնհայտորեն դժվար թե Հայաստանը շահող դուրս գա: Դրա վերջնական ամրագրումը երեկ Բրյուսելում տեղի ունեցող իրադարձություններն էին:

 

Չնայած Սոչիի հանդիպմանն ու ձեռք բերված պայմանավորվածություններին՝ այն ինչ նախատեսված էր հայտարարել Սոչիից մեկ շաբաթ անց Մոսկվայում հանձնաժողովի կողմից, չգիտես ինչու հայտարարվեց երեկ Բրյուսելում ամենաբարձր մակարդակով: Խոսքը երկաթուղային հաղորդակցության բացման մասին է:

 

Պարզվեց, որ ԵՄ խորհրդատվական հարթակ է ստեղծվում, որը փորձագիտական խորհրդատվություն և տեխնիկական աջակցություն է պատրաստվում տրամադրել դելիմիտացիայի և դեմարկացիայի, կոմունիկացիաների վերականգնման, ինչպես նաև հումանիտար հարցերում:

 

Այսինքն, այն բոլոր հարցերում, որոնք Սոչիում կարծես թե պայմանավորված էր լուծել ՌԴ միջնորդությամբ: Հիշեցնեմ, որ բոլորովին վերջերս «Վալդայ» ակումբի նիստին Պուտինն անձամբ հայտարարել էր, որ դելիմիտացիայի և դեմարկացիայի հարցում երրորդ կողմերի ներգրավման անհրաժեշտություն չկա:

 

Ավելին, մինչ այդ Շառլ Միշելի հետ հեռախոսազրույցների ընթացքում իբրև թե շատ սպոնտան ձեռք բերված պայմանավորվածությունը ՊՆ նախարարների միջև ուղիղ կապ հաստատելու վերաբերյալ այսօր ԵՄ-ն ներկայացնում է որպես տեղում լարվածության նվազեցման մեխանիզմ՝ փորձելով կշեռքի նժարին դնել ՌԴ ներկայության գործոնի հետ:

Իսկ Փաշինյան-Ալիև առանձնազրույցը, հաշվի առնելով Դուշանբեի փորձն ու գաղտնի պայմանավորվածությունների Փաշինյանի հակումը, հուշում է հնարավոր էլ ավելի մեծ մարտահրավերների մասին, որոնց կարող ենք բախվել:

 

Եթե երկու բառով անդրադառնանք ԵՄ խորհրդի նախագահի հայտարարության որոշ դրույթներին, ապա ձևակերպումները հերթական անգամ ցույց են տալիս, որ Ադրբեջանը հասել է իր մոտեցումների միջազգային ընկալմանը.