Իրանի ԱԳՆ-ն խստորեն դատապարտում է Իսրայելի վարչապետի վերջին այցն ԱՄԷ

Իրանի արտաքին գործերի նախարարությունը խստորեն դատապարտում է Իսրայելի վարչապետ Նաֆթալի Բենեթի վերջին այցն Արաբական Միացյալ Էմիրություններ, փոխանցում է Mehr-ը։

Իրանի ԱԳՆ պաշտոնական ներկայացուցիչ Սայիդ Հաթիբզադեն ասել է, որ «տարածաշրջանի բնակիչները չեն մոռացել սիոնիստական ​​ռեժիմի նողկալի եւ թշնամական գործողությունները, որոնք տարածաշրջանում բոլոր խնդիրների հիմնական պատճառն են»։

Նա նշել է, որ Իսրայելն «իսլամական աշխարհի եւ արաբական երկրների երդվյալ թշնամին է, եւ իրավիճակը կարգավորելու ոչ մի քայլ չի խեղդի Պաղեստինի վեհ գործը»։

Նշենք, որ Իսրայելի վարչապետը երկօրյա այցով այցելել է ԱՄԷ եւ հանդիպել փաստացի կառավարիչ, Աբու Դաբիի թագաժառանգ, շեյխ Մուհամեդ բին Զայեդ Ալ Նահայանի հետ։ Այցը տեղի է ունեցել ավելի քան մեկ տարի անց այն բանից հետո, երբ կողմերը համաձայնել են պաշտոնական հարաբերություններ հաստատել ԱՄՆ միջնորդությամբ կնքված գործարքի շրջանակներում։

Աղբյուր՝ NEWS.am