Ես ընդամենը պատասխանել եմ Փաշինյանի հայհոյանքին՝ արված ընդդիմության հասցեին․ Ռուբեն Հակոբյան. Տեսանյութ

Քաղաքագետ, քաղաքական գործիչ Ռուբեն Հակոբյանն այսօր՝ դեկտեմբերի 13-ին հրավիրվել է Արաբկիրի ոստիկանություն Ազգային ժողովի խորհրդարանական լսումների ժամանակ հնչեցրած արտահայտությունների համար։ Ոստիկանությունից դուրս գալուց հետո Yerevan.Today-ի հետ զրույցում ասաց Հակոբյանը մանրամասնեց կանչվելու պատճառները․

«Ես բացատրություն չտվեցի, ուղղակի ասացի, որ այն լկտի հայհոյանքը, որն ինքը (Փաշինյանը, խմբ․) ընդդիմության նկատմամբ արել է նախընտրական փուլում, նույնիսկ ինչ-որ տեղ մեղմ էր իմ գնահատականները իրեն։ Էլի մնում եմ նույն կարծիքին, պնդում եմ իմ գնահատականները և բարեկամաբար խորհուրդ տվեցի այս քննիչին, որ չարհամարհեն արդարադատությունը, որովհետև յուրաքանչյուր քրգործ պետք է դիտարկվի պատճառահետևանքային կապով։ Այս դեպքում պատճառն արհամարհված է, այսինքն՝ Փաշինյանի հայհոյանքը ընդդիմության հասցեին, և միայն անդրադռանում են հետևանքին․․․ Ես ընդամենը պատասխանել եմ Փաշինյանի հայհոյանքին՝ արված ընդդիմության հասցեին՝ ամբողջ ընդդիմության անունից»,-ասաց Ռուբեն Հակոբյանը։

Մանրամասն՝ տեսանյութում։